თბილისს ცნობილი მუსიკალური პროექტი Polo & Pan ეწვია. ღონისძიების ორგანიზატორების თქმით, Polo & Pan-ს თბილისში კონცერტის გამართვა ძალიან უნდოდა და ქართველი მსმენელის წინაშე „ლაივითა“ და ორი შემსრულებლით წარსდგება. სახელმწიფო პანტომიმის თეატრის კოსტიუმირებული მიმები კი მუსიკის, მოძრაობისა და პლასტიკის ულამაზეს შერწყმას წარმოადგენენ.
ღონისძიების დაწყებამდე ორგანიზაცია „ორიგამის“ დამფუძნებლები და მუსიკალური პროექტი “Polo & Pan” -ის არტისტები: პოლ არმან-დელილი და ალექსანდრ გრინზსპანი, ჟურნალისტებს შეხვდნენ. ისინი მსმენელს კონცერტის განმავლობაში არაერთ სიურპრიზს ჰპირდებიან.
„საქართველოში პირველად ვართ, ქართველი მსმენელისგან ძალიან დიდი მოთხოვნაა, რომ აქ ჩამოვსულიყავით. ამასთან, ჩვენც დიდი სურვილი გვქონდა თბილისში კონცერტის გამართვის, ამიტომ გადავწყვიტეთ მსმენელს შევთავაზოთ როგორც პოპულარული და ნაცნობი მუსიკალური კომპოზიციები, ასევე ახალი „ტრეკები“, - განაცხადეს “Polo & Pan”-ის არტისტებმა.
დღევანდელი ღონისძიების ფარგლებში, ასევე დაგეგმილია ელექტრონული მუსიკის ერთ-ერთი ყველაზე გამორჩეული არხის Cercle- ს მასტერკლასი. Cercle-ი გუნდი ქმნის ყველასგან განსხვავებულ ივენთებს მსოფლიოს ყველაზე ორიგინაურ ადგილებში . მათთვის პრიორიტეტია ლოკაციის ორიგინალურობა, რათა ელექტრონული მუსიკის ფონზე მსოფლიოს გააცნოს სხვადასხვა ღირშესანიშნაობა, სხვადასხვა ქვეყნიდან.