ვლადიმერ ზელენსკის განცხადებით, უკრაინის მომავალ პრემიერად პროფესიონალ ეკონომისტს ხედავს, რომელსაც არ აქვს პოლიტიკური გამოცდილება
უკრაინის პრეზიდენტი ვლადიმერ ზელენსკის განცხადებით, იგი ქვეყნის მომავალ პრემიერად პროფესიონალ ეკონომისტს ხედავს, რომელსაც არ აქვს პოლიტიკური გამოცდილება და არ არის არც ერთი ფრაქციის ლიდერი და არც პარლამენტის წევრი. ამის შესახებ უკრაინული გამოცემა „უნიანის“ ცნობით, ზელენსკიმ საარჩევნო უბანზე ხმის მიცემის შემდეგ განაცხადა.
„მე ვისურვებდი, რომ ამ პოსტზე აბსოლუტურად დამოუკიდებელი პერსონა იყოს, რომელიც არ ყოფილა არასოდეს არც პრემიერ-მინისტრი, არც პარლამენტის სპიკერი და არც რომელიმე ფრაქციის ლიდერი“, - აღნიშნა ზელენსკიმ.
შეგახსენებთ, უკრაინაში ვადამდელი საპარლამენტო არჩევნები მიმდინარეობს. ამომრჩეველი დღეს გადაწყვეტს, თუ როგორ დაკომპლექტდება უკრაინის უმაღლესი რადა. წინასაარჩევნო გამოკითხვების მიხედვით, რეიტინგებში ზელენკის პარტია „ხალხის მსახური“ ლიდერობს.
