პროფკავშირების გაერთიანების ინფორმაციით, შპს „ქუთექსის“ -ის თანამშრომლები საპროტესტო აქციას  გამართავენ

ტექსტილის საწარმო შპს „ქუთექსის“ -ის თანამშრომლები საპროტესტო აქციას გამართავენ. როგორც „ინტერპესნიუსს“ საქართველოს პროფესიული კავშირების გაერთიანებიდან აცნობეს, 22 ივლისს, 11:00 საათზე, თანამშრომლები შპს ,,ქუთექსის“ მიმდებარე ტერიტორიაზე შეიკრიბებიან და დამსაქმებლის უკანონო მოქმედებებს გააპროტესტებენ. მათი თქმით, ტექსტილის ფაბრიკაში დიდი ხანია გრძელდება დასაქმებულთა უფლებების უხეში დარღვევა.

პროფკავშირების ინფორმაციით, ტექსტილის ქარხნის თანამშრომლები აცხადებენ, რომ მათ სისტემატურად უგვიანებენ ხელფასებს, ივნისის თვის ხელფასი კი, დღემდე არ ჩარიცხულა. გარდა ამისა, დამსაქმებლები საკუთარი შეხედულებების მიხედვით, იძულებით აჩერებენ დასაქმებულის შრომით საქმიანობას და მათ იძულებით გაცდენილი დღეებისათვის ხელფასს უქვითავენ.

„ამჟამადაც, თანამშრომლებს მიეცათ მითითება - დაბრუნებულიყვნენ სახლში და საჭიროების შემთხვევაში შრომითი ურთიერთობის გაგრძელებას შეჰპირდნენ. საწარმოს მუშაკები აცხადებენ, რომ მათთან 1 წლიანი შრომითი ხელშეკრულებაა გაფორმებული, რაც ამ პერიოდის განმავლობაში უწყვეტ შრომით ურთიერთობას და შესაბამისი ხელფასის მიღების უფლებას გულისხმობს.

დასაქმებულები ასევე ვერ სარგებლობენ ანაზღაურებადი შვებულებით საკუთარი შეხედულების მიხედვით - ყველა თანამშრომელი ,,ქუთექსის’’ ადმინისტრაციის გადაწყვეტილებით აგვისტოში გადის არაანაზღაურებად შვებულებაში, საშვებულებო ანაზღაურება კი, დაპირების მიუხედავად, მათ არ ეძლევათ“,-ნათქვამია გავრცელებულ ინფორმაციაში.

პროფკავშირების ცნობით, დასაქმებულები ასევე ადმინისტრაციის მხრიდან უხეშ მოპყრობაზე, ხმამაღალ მითითებებზე და სამუშაო პირობების განზრახ გაუარესებაზე საუბრობენ.

შ.პ.ს. „ქუთექსში“ 15 ივლისს აგრარული მეურნეობის, ვაჭრობისა და მრეწველობის პროფესიული კავშირში შემავალი პირველადი პროფკავშრული ორგანიზაცია შეიქმნა, რომელმაც დახმარებისათვის საქართველოს პროფესიული კავშირების გაერთიანების ქუთაისის ოფისს მიმართა.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან