რეგიონული განვითარებისა და ინფრასტრუქტურის სამინისტრომ 6 თვის ბიუჯეტი გადაჭარბებით აითვისა

საქართველოს რეგიონული განვითარებისა და ინფრასტრუქტურის სამინისტროს ინფორმაციით, სახელმწიფო ბიუჯეტით დამტკიცებული გეგმის 6 თვის ათვისება 100 პროცენტზე მეტია.

როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, 1 ივლისის მდგომარეობით, ბიუჯეტის სახსრების საკასო შესრულება დაახლოებით 429,2 მილიონ ლარს შეადგენს, რაც 163,7 ლარით აღემატება წინა წლის იმავე პერიოდის მონაცემს, ხოლო დონორულ (კრედიტი და გრანტი ერთად) დაფინანსებასთან მიმართებაში ათვისებულია 244,2 მილიონი ლარი, რაც 2018 წლის ანალოგიურ მაჩვენებელს 19,2 მილიონი ლარით აღემატება.

მათივე ინფორმაციით, მთლიანობაში, ინფრასტრუქტურულ პროექტებს, 6 თვის განმავლობაში, მოხმარდა 673 მილიონი ლარი.

სამინისტროს ცნობით, წინა წლის ანალოგიურ პერიოდთან შედარებით, სამინისტრომ დაახლოებით 183 მილიონი ლარით მეტი ფინანსური რესურსის ათვისება მოახერხა, რაც სამინისტროს არსებობის ისტორიაში ყველაზე მაღალი მაჩვენებელია.

„ინფრასტრუქტურის სამინისტროს დაქვემდებარებაში არსებულმა ყველაზე მსხვილბიუჯეტიანმა საავტომობილო გზების დეპარტამენტმა 6 თვის დამტკიცებულ გეგმას 7%-ით, ხოლო გაერთიანებული წყალმომარაგების კომპანიამ 15%-ით გადააჭარბა.

1 ივლისის მდგომარეობით, რეგიონებში განსახორციელებელი პროექტების ფონდიდან გამოყოფილია 270 მილიონი ლარი. ტენდერი უკვე გამოცხადებულია 651 პროექტზე, აქედან კი ხელშეკრულება გაფორმებულია დაახლოებით 236 მილიონ ლარის ღირებულების 563 პროექტზე, ხოლო საკასო შესრულება დაახლოებით 61 მილიონი ლარია“, - ნათქვამია სამინისტროს მიერ გავრცელებულ განცხადებაში.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)