ატომური ენერგიის საერთაშორისო სააგენტოს ხელმძღვანელი იუკია ამანო გარდაიცვალა. ამის შესახებ თავად სააგენტოს განცხადებაში წერია.
„ატომური ენერგიის საერთაშორისო სააგენტოს სამდივნო მწუხარებით გატყობინებთ, რომ გარდაიცვალა გენერალური დირექტორი იუკია ამანო“, - წერია სააგენტოს განცხადებაში.
შეგახსენებთ, იუკია ამანო ატომური ენერგიის სააგენტოს 2009 წლიდან ხელმძღვანელობდა. ატომური ენერგიის საერთაშორისო სააგენტო საერთაშორისო ორგანიზაციაა, რომლის მიზანია ატომური ენერგიის მშვიდობიანი გამოყენების უზრუნველყოფა მსოფლიოს მასშტაბით. იგი გაეროს ერთ-ერთი ორგანიზაციაა.
იხილეთ ვიდეო: ატომური ენერგიის საერთაშორისო სააგენტოს ხელმძღვანელი იუკია ამანო გარდაიცვალა