საქართველოში 6 ადგილზე „მომავლის ბანაკები“ მოეწყობა

საქართველოს ექვს ლოკაციაზე „მომავლის ბანაკები“ მოეწყობა. მთავრობამ განათლების, მეცნიერების, კულტურისა და სპორტის სამინისტროს წინადადება ბანაკების დეკემბრის თვემდე განხორციელების შესახებ დაამტკიცა. „მომავლის ბანაკები“ შემდეგ ლოკაციებზე მოეწყობა: სოფელ ანაკლიაში - ზუგდიდის მუნიციპალიტეტში; შაორის ტბის მიმდებარედ - ამბროლაურში; ქუთაისში - გენერალ გიორგი კვინიტაძის სახელობის კადეტთა სამხედრო ლიცეუმის ტერიტორიაზე; მანავის სამხედრო ბაზაზე -საგარეჯოს მუნიციპალიტეტში; აბაშის მუნიციპალიტეტსა და დაბა ბაკურიანში.

ბანაკების განხორციელების ძირითადი ბიუჯეტი განათლების სამინისტროს ბავშვთა და ახალგაზრდობის ეროვნული ცენტრისთვის გათვალისწინებული ასიგნებიდან გაიხარჯება. პრემიერის განკარგულებით, ბანაკების ჩატარების პროცესში თითქმის ყველა სახელმწიფო უწყება მონაწილეობს.

საქართველოს ოკუპირებული ტერიტორიებიდან დევნილთა შრომის, ჯანმრთელობისა და სოციალური დაცვის სამინისტრომ უნდა უზრუნველყოს ბანაკებში შესაბამისი კვალიფიკაციის ექიმებისა და ექთნების მომსახურება, 24 საათის განმავლობაში. ყველა ბანაკი აღჭურვილი უნდა იყოს ექიმის კაბინეტითა და შესაბამისი მედიკამენტებით. შინაგან საქმეთა სამინისტრომ უნდა უზრუნველყოს ტრანსპორტირების უსაფრთხოება, ხოლო ბანაკში უსაფრთხოების მიზნით კრიმინალური პოლიციის თანამშრომლები უნდა მორიგეობდნენ. ბაკურიანში სამთო-სამაშველო ჯგუფების მობილიზება უნდა მოხდეს სასრიალო ტრასებზე ბენეფიციართა უსაფრთხოების მიზნით. გარდა იმისა რომ ბანაკებთან სახანძრო მანქანები და შესაბამისი ჯგუფების მობილიზება უნდა მოხდეს, ბანაკის ბენეფიციარებს ტრენინგები უნდა ჩაუტარდეთ საგანგებო სიტუაციებში უსაფრთხოების თემებზე.

განათლების სამინისტრომ უნდა გამოყოს ექვსივე ბანაკისთვის საჭირო რაოდენობით მანდატურები. ქუთაისის რობოტექნიკის საზაფხულო ბანაკის და მანავის სამხედრო ბაზის ინფრასტრუქტურული მოწყობა თითქმის სრულად თავდაცვის სამინისტროს კომპეტენციაშია. ბანაკებში უცხოეთში მცხოვრები ემიგრანტებიც ჩაერთვებიან. საგარეო საქმეთა სამინისტროს დაევალა უზრუნველყოს 13-18 წლამდე 144 თანამემამულის ჩამოყვანა რობოტექნიკის საზაფხულო ბანაკში და 24-ის შაორის ბანაკში.

ამირან სალუქვაძე - რაც ახლა ხდება, ეს არა პოლიტიკური კრიზისი, არამედ პოლიტიკურ ოპონენტთა შორის თანაცხოვრების კრიზისია
ქართული პრესის მიმოხილვა 22.11.2019
მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
თეგეტა მოტორსის სპეციალური შეთავაზება ზამთრის საბურავებზე
სადაზღვევო კომპანია პრაიმში მასშტაბურმა აქცია დაიწყო!
სპეციალური პირობები სამშენებლო კომპანიებისთვის SAP Business One-ის დანერგვაზე BDO-სგან
26 ახალი და გემრიელი შესაძლებლობა - საბვეიში განახლებული მენიუა (R)