თბილისის საკრებულოს კომისიების გაერთიანებულ სხდომაზე, სადაც „ვისოლ ჯგუფის“ ქონების მონაცვლეობის საკითხზე მსჯელობდნენ, საკრებულოს წევრ ირაკლი ზარქუასა და დამოუკიდებელ დეპუტატ ვატო შაქარიშვილს შორის დაპირისპირება მოხდა. დაპირისპირების შემდეგ შაქარიშვილმა სხდომა პროტესტის ნიშნად დატოვა.

„მთავრობის განკარგულება, რომელიც გადმოგზავნილია საკრებულოში, განკარგულება კი არა პირდაპირ კორუფციული სქემაა", - აღნიშნა შაქარიშვილმა.

ირაკლი ზარქუამ შაქარიშვილს ასე მიმართა - „გავიგეთ, მაგრამ ეს თემა ამოვიღეთ დღის წესრიგიდან, ხელს მიშლით", რაზეც შაქარიშვილმა უპასუხა, რომ ვინაიდან კომისიის წევრია, მასაც აქვს აზრის გამოხატვის უფლება.

"კომისიის წევრი ვარ და ჩემს პოზიციას ვაფიქსირებ, რას ნიშნავს ხელს გიშლით, სად გგონიათ თავი, ხომ არ უბერავ?!" - მიმართა შაქარიშვილმა ზარქუას.