ლევან გოგიჩაიშვილი - დიდხანს აჩვენეთ ვანო ზარდიაშვილი მოსახლეობას და გარანტირებულად დამარცხდება "ქართული ოცნება" არჩევნებში

დიდხანს აჩვენეთ ვანო ზარდიაშვილი ჩვენს მოსახლეობას და გარანტირებულად დამარცხდება "ქართული ოცნება" არჩევნებში, - ამის შესახებ პარლამენტის დამოუკიდებელმა დეპუტატმა ლევან გოგიჩაიშვილმა განაცხადა.

მისი თქმით, ზარდიაშვილის მიერ ეკა ბესელიას მიმართ გაკეთებული განცხადება არანაირ ეთიკურ სტანდარტში არ ჯდება.

"დიდხანს აჩვენეთ ვანო ზარდიაშვილი ჩვენს მოსახლეობას და გარანტირებულად დამარცხდება "ქართული ოცნება" არჩევნებში. ეს არის არათუ არაკოლეგიალური, არაფერში არ ჯდება მისი ეს განცხადება, არც კაცობაში და არაფერში საერთოდ. მე რამდენადაც ვიცი, ეთიკის საბჭოს მიმართა იმ ადამიანმა, ვისაც შეურაცხყოფა მიაყენეს. კიდევ ერთხელ მინდა მივმართო ჩემს კოლეგებს და გასაკუთრებით პირველ ვიცე-სპიკერს: ან დაგმობთ ვანო ზარდიაშვილის განცხადებას, ან თუ არ დაგმობთ, იქნებით ვანო ზარდიაშვილი", - განაცხადა გოგიჩაიშვილმა.

შეგახსენებთ, რომ საპარლამენტო უმრავლესობის წევრმა, დეპუტატმა ვანო ზარდიაშვილმა, მისი ყოფილი თანაგუნდელი, დამოუკიდებელი დეპუტატი, ეკა ბესელია „ქართული ოცნებიდან“ ინფორმაციის გატანაში დაადანაშაულა და მას ე.წ.ვირთხა უწოდა.

ეკა ბესელია არის ე.წ. ვირთხა, რომელსაც ნოდარ მელაძესთან გაჰქონდა ინფორმაცია”, - აღნიშნა ვანო ზარდიაშვილმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა