მართლწესრიგის ოფიცრებისთვის საქართველოს ევროპული და ევროატლანტიკური ინტეგრაციის საკითხებზე ტრენინგი ჩატარდა

შინაგან საქმეთა სამინისტროს მართლწესრიგის ოფიცრებისთვის ნატოსა და ევროკავშირის შესახებ საინფორმაციო ცენტრში გაიმართა ტრენინგი თემაზე - „საქართველოს ევროპული და ევროატლანტიკური ინტეგრაცია“. სწავლებაში მართლწესრიგის 35 ოფიცერი მონაწილეობდა. სასწავლო კურსი შინაგან საქმეთა სამინისტროსა და ნატოსა და ევროკავშირის შესახებ საინფორმაციო ცენტრის ორგანიზებით ჩატარდა. ამის შესახებ „ინტერპრესნიუსს“ შინაგან საქმეთა სამინისტროდან აცნობეს.

„ევროატლანტიკურ სტრუქტურებში ინტეგრაცია ჩვენი ქვეყნის ერთ-ერთი უმთავრესი პრიორიტეტია. სწავლების მიზანი იყო მართლწესრიგის ოფიცრების ინფორმირება საქართველოს ევროპული და ევროატლანტიკური ინტეგრაციის, ასევე, რეგიონული უსაფრთხოების საკითხების შესახებ.

ტრენინგი მოიცავდა შემდეგ საკითხებს: საქართველოს ევროპული გზა, ჰიბრიდული ომი და ანტიდასავლურ პროპაგანდასთან ბრძოლის მეთოდები, საქართველოს ნატოში გაწევრიანების პროცესი და მექანიზმები, საქართველოს საგარეო და უსაფრთხოების პოლიტიკის პრიორიტეტები, საქართველო საერთაშორისო მისიებში და ა.შ.

შინაგან საქმეთა სამინისტროს თანამშრომლებისთვის მსგავსი ტიპის სწავლებების ჩატარება მომავალშიც იგეგმება. აღნიშნულ კურსს ყველა მართლწესრიგის ოფიცერი ეტაპობრივად გაივლის“, - ნათქვამია სამინისტროს მიერ გამოქვეყნებულ განცხადებაში.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა