მაგისტრალური გაზსადენი მილის დაზიანების გამო, ნუცუბიძისა და ვაშლიჯვრის მოსახლეობის ნაწილს გაზის მიწოდება დროებით შეეზღუდა. ამის შესახებ „ინტერპრესნიუსს“ კომპანია „ყაზტრანსგაზიდან“ აცნობეს.
„ნუცუბიძის ფერდობისა და ვაშლიჯვრის დასახლების დამაკავშირებელი გზის მიმდებარედ მაგისტრალური გაზსადენი დაზიანდა. ამ ეტაპზე გაზსადენის სალიკვიდაციო და სარეკონსტრუქციო სამუშაოები მიმდინარეობს. სამუშაოების გამო, გაზის მიწოდება 29 ივლისის 23:00 საათიდან შეუწყდა მიმდებარე ტერიტორიაზე არსებულ საცხოვრებელ და კერძო დაწესებულებებს. გაზის მიწოდება 31 ივლისს დღის ბოლომდე ეტაპობრივად აღდგება, “- ნათქვამია კომპანია „ყაზტრანსგაზის“ ინფორმაციაში.
„ყაზტრანსგაზი“ ბოდიშს უხდის აბონენტებს შექმნილი დისკომფორტისთვის და მოსახლეობას მოუწოდებს, არ დატოვონ გაზის ონკანები უყურადღებოდ.