“სამოქალაქო მოძრაობის” საგანმანათლებლო პროექტი “სამოქალაქო ეზო” ბათუმს ესტუმრა. როგორც “ინტერპრესნიუსს” “სამოქალქო მოძრაობიდან” აცნობეს, პირველი ლექცია ღია ცის ქვეშ კინორეჟისორმა შოთა გუჯაბიძემ წაიკითხა.

რეჟისორმა კინოს ისტორიაზე და ბათუმზე კინოში ისაუბრა. ლექცია ბათუმის უძველეს ეზოში ჩატარდა, რომლის ისტორია 100 წელს ითვლის. შეხვედრას “სამოქალაქო მოძრაობის” დამფუძნებელი ალეკო ელისაშვილიც ესწრებოდა. “სამოქალაქო ეზო” არის არაფორმალური სივრცე განათლების მისაღებად, რომლის ფარგლებშიც საზოგადოებისთვის საინტერესო ადამიანები ახალგაზრდებისთვის დისკუსიებს მართავენ. აგვისტოს თვეში, “სამოქალაქო ეზომ” თბილისიდან რეგიონებში გადაინაცვლა, მოგზაურობა კი აჭარის რეგიონიდან დაიწყო.