საგანგებო სიტუაციების მართვის სამსახურში საავიაციო ძებნა-შველის რეაგირების გეგმით გათვალისწინებული უწყებათშორისი კომისიის პირველი სხდომა ჩატარდა

შინაგან საქმეთა სამინისტროს საგანგებო სიტუაციების მართვის სამსახურში საავიაციო ძებნა-შველის რეაგირების გეგმით გათვალისწინებული უწყებათშორისი კომისიის პირველი სხდომა ჩატარდა. ამის შესახებ „ინტერპრესნიუსს“ საგანგებო სიტუაციების მართვის სამსახურიდან აცნობეს.

მათივე ინფორმაციით, შეხვედრის მონაწილეებმა ძებნა-შველის (SAR) სისტემის დანერგვასა და მის ეფექტიანობაზე, საქართველოში რეგისტრირებულ სამოქალაქო საფრენ საშუალებათა მფლობელებსა და საავიაციო ძებნა-შველის საკოორდინაციო ცენტრს (ARCC) შორის თანამშრომლობაზე, ასევე, საკოორდინაციო ცენტრსა და მორეაგირე დანაყოფებს შორის გამართული კომუნიკაციის აუცილებლობაზე ისაუბრეს.

კომისიის წევრებმა, ასევე, განიხილეს პარტნიორ ქვეყნებთან და საერთაშორისო ორგანიზაციებთან თანამშრომლობის გაღრმავებისა და გამოცდილების გაზიარების მნიშვნელობა.

შეხვედრის მონაწილეები სამომავლო მუშაობის ფორმატსა და სამუშაო ჯგუფის შექმნაზეც შეთანხმდნენ, რომელიც კომისიის მიერ განხილული დადგენილებით გათვალისწინებულ საკითხებზე იმუშავებს.

„აღნიშნული კომისია საქართველოს მთავრობის დადგენილების საფუძველზე შეიქმნა და მას შინაგან საქმეთა სამინისტროს საგანგებო სიტუაციების მართვის სამსახურის უფროსის პირველი მოადგილე - ლევან ღირსიაშვილი უხელმძღვანელებს. კომისიის შემადგენლობაში არიან: საქართველოს შინაგან საქმეთა სამინისტროს, საქართველოს ეკონომიკისა და მდგრადი განვითარების სამინისტროს და საზღვაო ოპერაციების ერთობლივი მართვის ცენტრის წარმომადგენლები.“ - ნათქვამია ინფორმაციაში.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება