აგვისტოს ომით დაზარალებულები 11 წლის წინანდელ მოვლენებს კიდევ ერთხელ იხსენებენ - „ინტერპრესნიუსის“ ფოტორეპორტაჟი ერგნეთიდან

2008 წლის რუსეთ-საქართველოს ომს საოკუპაციო ხაზთან მცხოვრებლები იხსენებენ. „ინტერპრესნიუსისა“ და ტელეკომპანია „პალიტრანიუსის“ გადამღები ჯგუფი დღეს საოკუპაციო ხაზთან მცხოვრებლებს გაესაუბრნენ, რომლებსაც 11 წლის წინ განვითარებული მოვლენები უშუალოდ შეეხოთ და აგვისტოს 5-დღიანი ომის მემატიანეები არიან.

ერთ-ერთი მათგანი სოფელ ერგნეთში მცხოვრები ლიანა ჩლაიძეა, რომელმაც საკუთარ სახლში აგვისტოს ომის მუზეუმი შექმნა და მასში ის ნივთები განათავსა, რომლებიც რუსეთის საოკუპაციო რეჟიმის მიერ ნასროლ ტყვიებს და ნაღმებს გადაურჩნენ.

2008 წლის აგვისტოში განვითარებული მოვლენები გაიხსენა ერგნეთის კიდევ ერთმა მცხოვრებმა მაყვალა ჩლაიძემ და აღნიშნა, რომ „11 წლის წინანდელი შეგრძნებები არასდროს განელებია“.

"ჩემს შვილებს ვუთხარი: თუ სროლას დაგვიწყებდნენ, სხვადასხვა მხარეს გავიქცეთ-მეთქი. ასე ერთი მაინც გადამირჩებოდა. ჩემი შვილიშვილი მეკითხებოდა, ბებო არ მცივა და რატომ ვკანკალებო. ამის გახსენება მიჭირს ყველაზე მეტად", - განუცხადა მაყვალა ჩლაიძემ „პალიტრანიუსს“.

აგვისტოს 5-დღიანი ომის გმირებისა და საოკუპაციო ხაზთან მცხოვრებლების დღევანდელი ყოფის შესახებ ტელეკომპანია „პალიტრანიუსი“ ვრცელ რეპორტაჟს შემოგთავაზებთ. ასევე გთავაზობთ ფოტომასალას, რომელიც „ინტერპრესნიუსის“ ფოტოკორესპონდენტმა გიორგი ნიკოლიშვილმა დღეს სოფელ ერგნეთში გადაიღო.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა