მთავარია, რომ არაღიარების პოლიტიკის კუთხით საქართველო წარმატებულია და საერთაშორისო პარტნიორების მხარდაჭერით, ნებისმიერი მსგავსი ქმედება, არის უკანონო და მას სამართლებრივი შედეგები არ ექნება, - ამის შესახებ უმრავლესობის დეპუტატმა დავით მათიკაშვილმა ჟურნალისტებთან რუსეთის პრეზიდენტის, ვლადიმერ პუტინისა და ოკუპირებული აფხაზეთის ე.წ. პრეზიდენტის, რაულ ხაჯიმბას შეხვედრის შეფასებისას განაცხადა.
მისი თქმით, ოკუპაცია დასრულდება და რა ქმედებებიც არ უნდა განახორციელონ თვითაღიარებული რესპუბლიკისა და რუსეთის ფედერაციის ლიდერებმა, აღნიშნული საერთაშორისო სამართლის ფარგლებს გაცილებული ქმედებაა.
“ყველაფერი, რაც საქართველოს ცენტრალური ხელისუფლების მონაწილეობის გარეშეა, არის უკანონო, არალეგიტიმური და მას სამართლებრივი შედეგები არ ექნება“, - აცხადებს მათიკაშვილი.