ანატოლი ბიბილოვი - სააკაშვილის საქმეს რესპუბლიკის წინააღმდეგ გენოციდის შესახებ ხანდაზმულობის ვადა არ აქვს

საქართველოს ყოფილი პრეზიდენტის, მიხეილ სააკაშვილის და მისი თანამებრძოლების მიმართ იმ დანაშაულებებისთვის, რომელიც სამხრეთოსეთის ხალხის წინააღმდეგ ჩაიდინეს, ხანდაზმულობის ვადა არ აქვთ, - ამის შესახებ ოკუპირებული „სამხრეთ ოსეთის“ დე ფაქტო პრეზიდენტმა ანატოლი ბიბილოვმა „ტასს“-თან ინტერვიუში განაცხადა.

მისი თქმით, „რესპუბლიკის საგამოძიებო ორგანოების მიერ საქართველოს უმაღლესი ხელისუფლების მიმართ, რომლებმაც წამოიწყეს ომი „სამხრეთ ოსეთის“ წინააღმდეგ, ჯერ კიდევ 2008 წელს აღიძრა საქმეები“.

„ამ ადამიანებზე - 76 პირზე საქართველოს ექსპრეზიდენტის მიხეილ სააკაშვილის მეთაურობით, სამხრეთ ოსეთის მხარის მიერ საერთაშორისო ძებნა გამოცხადდა. აგვისტოს აგრესიის ტრაგიკულ მოვლენებში დამნაშავეების მიმართ საქმეებს არ შეიძლება ჰქონდეთ ხანდაზმულობის ვადა. ამ ადამიანებზე ყოველთვის დევნა იქნება. საქართველოს ხელმძღვანელობის მოქმედებებს ოსი ხალხის გენოციდთან პირდაპირი კავშირი აქვთ“, - განაცხადა ბიბილოვმა.

ის დარწმუნებულია, რომ „ადრე თუ გვიან დადგება დრო, როდესაც სააკაშვილი და „სამხრეთ ოსეთის“ წინააღმდეგ ომის წამოწყებაში დამნაშავეები დაისჯებიან“.

„სააკაშვილი დღეს ერთი ქვეყნიდან მეორეში დარბის და დასავლეთის სახელმწიფოებისა და აშშ-ის მხრიდან ამ დამნაშავის გარკვეული მფარველობა არსებობს. თუმცა ვფიქრობ, რომ ოდესმე საღი აზრი გაიმარჯვებს და ამერიკელებიც და ევროპელებიც მიხვდებიან, რომ სააკაშვილი სახელმწიფო დამნაშავეა და უნდა გასამართლდეს არა საქართველოს სისხლის სამართლის კოდექსის რაღაც მუხლით, არამედ საერთაშორისო სამართლის პრინციპების საფუძველზე - კაცობრიობის წინააღმდეგ დანაშაულისთვის. ადრე თუ გვიან მას მოუწევს პასუხისგება“, - განაცხადა ოკუპირებული „სამხრეთ ოსეთის“ დე ფაქტო პრეზიდენტმა.

მისივე თქმით, ევროპის ადამიანის უფლებათა სასამართლოს განსახილველად საქართველოს წინააღმდეგ „სამხრეთ ოსეთის“ მცხოვრებთა 1500-ზე მეტი ინდივიდუალური სარჩელია გაგზავნილი.

„ჩვენ არ ვკარგავთ იმედს, რომ საღი აზრი მაინც გაიმარჯვებს და ადამიანის უფლებათა ევროპული სასამართლოს მიერ შეფასება მიეცემა იმ დანაშაულებებს, რომლებიც ჩადენილ იქნა სამხრეთ ოსეთის ტერიტორიაზე საქართველოს ხელისუფლების და ქართველი სამხედროების მიერ“, - აღნიშნა ბიბილოვმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს