გამანაწილებელ ქსელში დაგეგმილი სარეაბილიტაციო სამუშაოების გამო, 8 აგვისტოს, 10:05-დან 18:30 საათამდე ენერგომომარაგება დროებით შეეზღუდებათ მომხმარებლებს სოფლებში: თელოვანი, დიღომი. ამის შესახებ „ინტერპრესნიუსს“ კომპანია „ენერგო-პრო ჯორჯიადან“ აცნობეს.

მათივე ინფორმაციით, გამანაწილებელ ქსელში დაგეგმილი სარეაბილიტაციო სამუშაოების გამო, ენერგომომარაგება 15:00-დან 18:00 საათამდე ასევე შეიზღუდება - ნორიოში და "გრუზულა ტბის" მიმდებარე ტერიტორიაზე.

11:00-დან 18:00 საათამდე ელექტროენერგია გაეთიშება დუშეთის მუნიციპალიტეტის სოფლებში ხევშა, ჭიკაანი, ქავთარაანი, წიფორი, ჟიჟონი და მიმდებარე სოფლებს.

12:00-დან 13:00 საათამდე ელექტროენერგიის მიწოდება შეუწყდებათ მომხმარებლების ნაწილს დაბა თიანეთში, 13:00-დან 14:00 საათამდე - თიანეთის რაიონის სოფლებში ახალსოფელი, ჩაბანო, ქვემო არტანი, მამადაანები, ქუშხევი და მიმდებარე სოფლებში, ხოლო

14:00-დან 15:00 საათამდე - სოფლებში ტუშურები, ზარიძეები, ჯიჯეთი, ხოფცა, ჯერვალიძეები და მიმდებარე სოფლებში.

11:00-დან 15:00 საათამდე ძაბვა შეუწყდება ყაზბეგის რაიონის სოფლებს სნო, აჩხოტი, არშა, კარკუჩა, გარბანი და მიმდებარე სოფლებს.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.