ავიაკომპანია Norwegian-ის კუთვნილი თვითმფრინავის, რომელიც რომის აეროპორტში ავარიულ დაშვებას ახორციელებდა, ნამსხვრევებმა ქალაქ ფიუმიჩინოში ავტომანქანები და სახლების სახურავები დააზიანა. ამის შესახებ ადგილობრივი მედია წერს.
თვითმფრინავმა ავარიული დაშვება აფრენიდან მალევე განახორციელა. ინციდენტის შედეგად არავინ დაშავებულა. მთლიანობაში ნამსხვრევების შედეგად, 25 ავტომანქანა და 12 სახლის სახურავი დაზიანდა.
Boeing 787-ის ბორტზე 298 ადამიანი იმყოფებოდა, რომლებიც ლოს-ანჟელესისკენ მიფრინავდნენ. თვითმფრინავს ძრავს პრობლემა შეექმნა, რის გამოც იძულებითი დაშვება განახორციელა.