გია ვოლსკი მამუკა ხაზარაძის საზოგადოებრივ მოძრაობაზე - პარტიის შექმნა, პოლიტიკურ ასპარეზზე გამოსვლა ნებისმიერ ადამიანს შეუძლია

2020 წელს რომელი პარტია იქნება, წინა პლანზე, ეს ჯერ არავინ არ იცის, - ასე გამოეხმაურა საპარლამენტო უმრავლესობის ლიდერი, გია ვოლსკი „თიბისი ბანკის“ დამფუძნებლის მამუკა ხაზარაძის მიერ ახალი მოძრაობის დაანონსებას.

მისი თქმით, პოლიტიკურ ასპარეზზე გამოსვლა ნებისმიერს შეუძლია, რაც დემოკრატიული ქვეყნისთვის ჩვეულებრივი ამბავია.

„2020 წელს რომელი პარტია იქნება, ვთქვათ, წინა პლანზე, ეს ჯერ არავინ არ იცის. მე არ მგონია ,რომ ამასთან დაკავშირებით თუ არა რაღაც პოლიტიკური სპეკულაციები, სხვა პოლიტიკური ექსპლუატაცია ამ თემის, სხვა რაიმე სერიოზული მოსაზრება ჰქონდეთ. პოლიტიკოსებისთვის მით უმეტეს ამ თემაში შესვლა არამგონია სწორი იყოს. ექსპერტებმა რამდენიც უნდათ ისაუბრონ ამასთან დაკავშირებით, მაგრამ პარტიის შექმნა, პოლიტიკურ ასპარეზზე გამოსვლა ნებისმიერ ადამიანს შეუძლია. ეს ალბათ ჩვეულებრივი ამბავია დემოკრატიული ქვეყნისთვის“,-განაცხადა გია ვოლსკიმ.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“