არჩილ თალაკვაძე - „ტვ პირველზე“ თუ კიბერთავდასხმა მოხდა, სახელმწიფო გააკეთებს ყველაფერს, რომ  გამოიძიოს, ხელისუფლების მიმართ ბრალდებები კი, ალოგიკურია

„ტვ პირველზე“ თუ მოხდა კიბერთავდასხმა, სახელმწიფო გააკეთებს ყველაფერს იმისთვის, რომ გამოიძიოს, ხელისუფლების მიმართ ბრალდებები კი, ალოგიკურია, - ამის შესახებ პარლამენტის თავმჯდომარემ, არჩილ თალაკვაძემ განაცხადა, რითაც „ტვ პირველზე“ კიბერთავდასხმას გამოეხმაურა.

თალაკვაძის განცხადებით, შესაბამისი სამსახურები ძალისხმევას არ დაიშურებენ, რომ აღნიშნული საქმე გამოიძიონ, თუმცა დასძენს, რომ ეს საკმაოდ რთული და კომპლექსური სამუშაოა.

„ჩვენი ხელისუფლების პირობებში კიბერდანაშაულთან ბრძოლის დანაყოფი და ძალისხმევა გაძლიერდა მნიშვნელოვნად, თუმცა, კიბერდანაშაული მსოფლიო გამოწვევაა დღეს, ეს არის ელექტრონულ ინფრასტრუქტურასთან, ციფრული ტექნოლოგიების ზრდასთან ერთად მზარდი პრობლემა. საქართველო ჩართულია ევროკავშირის და ევროპის საბჭოს შესაბამის ფორმატებში ამ დანაშაულთან ბრძოლის თვალსაზრისით. რაც შეეხება კონკრეტულად „ტვ პირველს“, თუ მოხდა კიბერთავდასხმა, სახელმწიფო გააკეთებს ყველაფერს იმისთვის, რომ გამოიძიოს. ეს არის საკმაოდ კომპლექსური და რთული საქმე, თუმცა დარწმუნებული ვარ, შესაბამისი სამსახურები ძალისხმევას არ დააკლებენ. ჩვენ პატივს ვცემთ ყველა ჟურნალისტს, ყველა მედიას, რომელიც ობიექტურად და დამოუკიდებლად მაუწყებლობს“,- განაცხადა თალაკვაძემ.

რაც შეეხება ხელისუფლების მიმართ ბრალდებებს, რომ „ტვ პირველზე“ კიბერშეტევა შემთხვევითი არ არის და ის ბოლოს განვითარებულ მოვლენებს უკავშირდება, თალაკვაძემ განაცხადა, რომ „ეს არის უსაფუძვლო ბრალდება“.

„ეს გამოიყურება, როგორც სპეკულაცია, მაგრამ გამოძიებას დაველოდოთ. ამ ბრალდების უკან ელემენტარული ლოგიკაც არ დგას. სახელმწიფო როგორ შეიძლება აკეთებდეს იმას, რაც შემდეგში არის მისი გამოსაძიებელი და რასთან დაკავშირებითაც სახელმწიფოს აქვს პასუხისმგებლობა. ალოგიკური ბრალდებაა“, - აღნიშნა თალაკვაძემ.

შეგახსენებთ, რომ როგორც „ტვ პირველის“ მიერ გავრცელებულ განცხადებაშია ნათქვამი, „ტვ პირველზე“ კიბერშეტევა განხორციელდა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა