მოსამართლეობის კანდიდატი იუსტიციის საბჭოს წევრებს - ფორმალურ კრიტერიუმებს ვაკმაყოფილებ, კომპეტენტურობასა და კეთილსინდისიერებას კი თქვენ შეაფასებთ

იუსტიციის უმაღლეს საბჭოში უზენაესი სასამართლოს მოსამართლეობის კანდიდატთან, დამოუკიდებელ ინსპექტორ ქეთევან ცინცაძესთან გასაუბრება დაიწყო.

კანდიდატმა გასაუბრების დაწყებისას უზენაეს სასამართლოში მოსამართლეობის მოტივაციის შესახებ ისაუბრა.

„შეიძლება ყველა იურისტისთვის არა, მაგრამ პირადად ჩემთვის ეს ერთ-ერთი უმნიშვნელოვანესი სტატუსია. ვფიქრობ, ფორმალურ კრიტერიუმებს ვაკმაყოფილებ, კომპეტენტურობასა და კეთილსინდისიერებას კი თქვენ შეაფასებთ. გავლილი მაქვს ყველა ეტაპი, რაც შეიძლება გაიაროს არამოსამართლემ სასამართლო სისტემაში, უზენაეს სასამართლოში სტაჟირებიდან დაწყებული. მქონდა შეხება საკასაციო სასამართლოში მიმდინარე ყველა ეტაპთან. ვფიქრობ, ცალკეა თეორია, რომელსაც ადამიანები იღებენ უნივერსიტეტში და მეც მივიღე, მაგრამ ამის რეალიზება პრაქტიკაში გახლავთ აბსოლუტურად სხვა და ეს გამოცდილება გამომადგება.

ინსპექტორის თანამდებობაზე არჩევა კი ჩემი მიღწევაა. ამ თანამდებობაზე დანიშვნის დღეს მე მარტო გახლდით, არ იყო აპარატი, არ არსებობდა ინსპექტორის ინსტიტუტი. დღეს არსებობს ინსპექტორის სამსახური, ცნობენ მას, ასევე არსებობს ანგარიშები მის საქმიანობაზე, ვფიქრობ, დადებითი. მზად ვარ ყველა გამოწვევისთვის და იმისთვის, რომ ყველა ჩემი დასკვნა, სადაც ჩემი პოზიციებია ასახული, იყოს საჯარო. საბჭოს წევრებს ჰქონდათ და აქვთ შესაძლებლობა, ჩემი დასკვნებით, რაც დაახლოებით 230 საქმესთან დაკავშირებით იყო წარმოდგენილი, შეაფასონ ჩემი მსჯელობის, ლოგიკური აზროვნების და სხვა უნარები. არ ვაპირებ, საკუთარ თავზე ვისაუბრო. დღეს ვფიქრობ, ჩემი შეფასება ხდება როგორც იურისტის, და არა - როგორც ინსპექტორის", - განაცხადა ცინცაძემ.

მისივე თქმით, კანონი არ უზღუდავს თანამდებობის დატოვების შესაძლებლობას და თუ ის უზენაეს სასამართლოში მოსამართლედ იქნება არჩეული, საბჭო შეარჩევს შესაბამის კანდიდატურას დამოუკიდებელი ინსპექტორის პოსტზე.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება