„ბლექ სი არენაზე“ ჯარედ ლეტოს კონცერტი გაიმართა

შეკვეთილში, „ბლექ სი არენაზე“ „ოსკაროსანი" მსახიობის ჯარედ ლეტოს და მისი მუსიკალური ბენდის 30 Seconds To Mars გაიმართა. ძმებმა, ჯარედ და შანონ ლეტომ, მსმენელს ძირითადად ახალი სიმღერები შესთავაზეს.

სცენაზე გამოსვლისას ჯარედ ლეტომ მაყურებელს კონცერტზე დასწრებისთვის მადლობა გადაუხადა და აღნიშნა, რომ ეს არ იქნება მისი ბენდის უკანასკნელი ვიზიტი საქართველოში.

მისივე თქმით, ეს არის ქვეყანა, რომელშიც 10 წლის წინ უნდა ჩამოსულიყო, თუმცა ახლა მოახერხა ჩამოსვლა. ამასთან, ამერიკელმა შემსრულებელმა აღნიშნა, რომ ქართული სამზარეულო ძალიან მოსწონს.

ჯარედ ლეტომ ერთ-ერთი მუსიკალური ნომერი საქართველოს დროშით ხელში შეასრულა.

აღსანიშნავია, რომ როკ ბენდმა სცენაზე თაყვანისმცემლები აიყვანა და აცეკვა.

კონცერტის დასრულების შემდეგ, „ბლექ სი არენას" აღმასრულებელმა დირექტორმა, ტატო ხარჩილავამ ჟურნალისტებს განუცხადა, რომ შოუ ჯადოსნური გამოვიდა.

„ძალიან სასიამოვნო მომენტი იყო, როცა ჯარედ ლეტომ საქართველოს დროშა აიღო ხელში. ამ მომენტად ღირს ძალიან ბევრი შრომა და წვალება, რაც პროექტის განმავლობაში მთელმა გუნდმა გავწიეთ. უშუალოდ ეს კონცერტი იყო შემთხვევა, როცა ყველაზე მეტი უცხოელი იყო ჩამოსული სპეციალურად საქართველოში. გვიხარია, რომ ისეთი არტისტი შეირჩა, რომელიც ქართველებზე მეტად, უცხოელებზე იყო გათვლილი“, - განაცხადა ხარჩილავამ.

Thirty Seconds to Mars ამერიკული როკ პროექტია, რომელიც 1998 წელს ძმებმა ჯარედ და შენონ ლეტოებმა (Jared Leto, Shannon Leto) შექმნეს. ბენდს პირველი კომერციული წარმატება და აღიარება 2005 წელს გამოსულმა ალბომმა A Beautiful Lie მოუტანა ჰიტებით: Attack ,The Kill, From Yesterday და A Beautiful Lie.

2013 წელს, ალბომის Love, Lust, Faith and Dreams შემდეგ, ბენდმა 5-წლიანი პაუზა აიღო, რასაც მოყვა არტპოპ და ელექტრონულ ჟღერადობაზე ორიენტირებული ალბომი America. სწორედ ამ ჩანაწერის გამოცემის შემდგომ შედგა ჯგუფის ისტორიაში ერთ-ერთი ყველაზე ხანგრძლივი ტურნე, რომლის ფარგლებშიც Thirty Seconds to Mars საქართველოსაც ეწვია.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)