ელენე ხოშტარია 20 ივნისს დაკავებულებზე - მათი თხოვნაა,  რომ ოჯახებთან კომუნიკაციის საშუალება მისცენ

„ევროპული საქართველოს“ ერთ-ერთი ლიდერის, ელენე ხოშტარიას განცხადებით, 20 ივნისის საქმეზე დაკავებულები ოჯახებთან კომუნიკაციის საშუალებას ითხოვენ. ამის შესახებ ელენე ხოშტარიამ გლდანის ციხეში, 20 ივნისის მოვლენებთან დაკავშირებით დაკავებული პირების მონახულების შემდეგ განაცხადა.

მისი თქმით, დაკავებულების თხოვნაა, მიეცეთ ოჯახის წევრებთან კომუნიკაციის საშუალება.

„დღეს შევხვდი იმ ადამიანების მეორე ჯგუფს, ვინც გავარკვიე, რომ 20 ივნისის საქმეზე არიან საპყრობილეში. მათ არანაირი კავშირი არ აქვთ არც ერთ პოლიტიკურ პარტიასთან, არ არიან პოლიტიზირებულებიც კი. ეს უბრალოდ მათთვის იყო განსაკუთრებული დღე, რომ გავიდნენ აქციაზე. ნამდვილად რჩება განცდა, რომ ეს ადამიანები არიან პოლიტიკური მძევლები ამ სისტემის.

ერთი ძალიან ადამიანური თხოვნა, რაც ყველასგან ისმის არის ის, რომ მისცენ საშუალება ოჯახებთან კომუნიკაციის. მათ ჰყავთ ახალშობილი ბავშვები, მშობლები ნერვიულობენ, პირადი საქმეები აქვთ გარეთ და წარმოუდგენელია ამ ყველაფერთან ერთად რატომ უნდა შეუზღუდო ამ ადამიანებს კომუნიკაცია ოჯახის წევრებთან”, - განაცხადა ხოშტარიამ.

მისივე თქმით, გლდანის ციხეში მისვლამდე ის „მატროსოვის“ ციხეში ირაკლი ოქრუაშვილსაც შეხვდა.

„ორი ადამიანი ფიგურირებს ოქრუაშვილის საქმეში. მე დღეს ოქრუაშვილიც ვნახე და სამივეს გამოკითხვით, უბრალოდ არ იცნობენ ერთმანეთს, საერთოდ არანაირი კავშირი ერთმანეთთან არ ჰქონიათ”, - განაცხადა ხოშტარიამ.

შეგახსენებთ, დღეს “ევროპული საქართველოს” ლიდერებმა სერგო რატიანმა და ელენე ხოშტარიამ 20 ივნისის მოვლენებთან დაკავშირებით დაკავებული ადამიანები მოინახულეს.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)