აშშ პრეზიდენტის მრჩეველმა ეროვნული უშიშროების საკითხებში ჯონ ბოლტონმა „ამერიკის ხმისთვის“ მიცემულ ინტერვიუში განაცხადა, რომ ჰიპერბგერითი იარაღის შექმნისას რუსეთი ეყრდნობა ტექნოლოგიებს, რომელიც აშშ-სგან აქვს მოპარული.
სევეროდვინსკთან მომხდარი ინციდენტის კომენტირებისას, სადაც 8 აგვისტოს გამოცდისას რეაქტიული ძრავა აფეთქდა, ბოლტონმა განაცხადა, რომ რუსეთი ბირთვული იარაღის მიზნამდე მიტანის საშუალებებს ქმნის.
„რუსეთის ეკონომიკის მოცულობა დაახლოებით ნიდერლანდისას უტოლდება, თუმცა თავდაცვაზე ის მაინც იმდენ თანხას ხარჯავს, რომ არა მხოლოდ თავისი ბირთვული არსენალის მოდერნიზება შეუძლია, არამედ მათი ადგილზე მიტანის ახალი საშუალებების, მართვადი საბრძოლო ბლოკის მქონე რაკეტებისა და ჰიპერბგერითი ფრთოსანი რაკეტების შექმნაც შეუძლია, რისთვისაც მნიშვნელოვანწილად აშშ-ისთვის მოპარულ ტექნოლოგიებს“ იყენებს“, - განაცხადა ბოლტონმა.