გარემოს ეროვნული სააგენტო - თბილისის ზღვიდან აღებულ სინჯებში, ქიმიური და მიკრობიოლოგიური პარამეტრების დასაშვებ ნორმებზე  გადაჭარბების არც ერთი შემთხვევა არ დაფიქსირებულა

2019 წლის მაისიდან აგვისტოს თვის ჩათვლით, გარემოსდაცვითი ზედამხედველობის დეპარტამენტისა და გარემოს ეროვნული სააგენტოს სპეციალისტების მიერ თბილისის ზღვიდან აღებულ სინჯებში ქიმიური და მიკრობიოლოგიური პარამეტრების შემცველობის ზღვრულად დასაშვებ ნორმებზე გადაჭარბების არც ერთი შემთხვევა არ დაფიქსირებულა. ამის შესახებ ინფორმაციას გარემოს ეროვნული სააგენტო ავრცელებს.

მათივე ცნობით, გარემოს დაცვისა და სოფლის მეურნეობის სამინისტროს გარემოს ეროვნული სააგენტოს სპეციალისტები 2011 წლიდან, თბილისის ზღვაზე საბანაოდ ნებადართულ ტერიტორიაზე, მაისიდან სექტემბრის ჩათვლით, წყლის ხარისხის რეგულარულ მონიტორინგს ახორცილებენ.

წყლის სინჯები რეგულარულად მოწმდება 29 კომპონენტზე, მათ შორის 26 ქიმიურ და 3 მიკრობიოლოგიურ პარამეტრზე.

გარემოს დაცვისა და სოფლის მეურნეობის სამინისტროს გარემოს ეროვნული სააგენტოს სპეციალისტების მიერ დამატებით კიდევ ჩატარდება თბილისის ზღვის წყლის ხარისხის კვლევა და შედეგები ეცნობება საზოგადოებას.

დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი