ბიშკეკის სასამართლომ ქვეყნის დაკავებულ ექსპრეზიდენტს, ალმაზბეკ ატამბაევს აღკვეთის ღონისძიების შეცვლაზე უარი უთხრა. სასამართლო სხდომა ეროვნული უშიშროების კომიტეტის შენობაში ჩატარდა. ატამბაევის 26 აგვისტომდე დაპატიმრების შესახებ გადაწყვეტილება დედაქალაქის რაიონულ სასამართლოს ჰქონდა გამოტანილი.

„ბიშკეკის სასამართლომ, ამ ვერდიქტის გამოტანისას ბევრი საკანონმდებლო აქტი დაარღვია, მათ შორის ექსპრეზიდენტის საქმიანიობის გარანტიების თაობაზე“, - განაცხადა ატამბაევის ადვოკატმა სერგეი სლესარევმა.

ყირგიზეთის პარლამენტმა ატამბაევს ექსპრეზიდენტის სტატუსი და შესაბამისად, იმუნიტეტი ივნისში მოუხსნა. მის წინააღმდეგ რამდენიმე საქმე იყო აღძრული, მათ შორის კორუფციის და თანამდებობრივი უფლებამოსილების გადამეტების თაობაზე. მისი ძალისმიერი დაკავების შემდეგ, რასაც შეტაკებები და დაპირისპირება მოჰყვა, ალმაზბეკ ატამბაევს რამდენიმე ბრალდება დაემატა, მათ შორის სპეცრაზმელის მკვლელობის საქმე. როგორც ცნობილია, ატამბაევის რეზიდენციის შტურმისას სპეცრაზმელი დაიღუპა.

იხილეთ ვიდეო