სამოქალაქო მოძრაობა „რუსეთი ოკუპანტიას“ აქტივისტებმა სოფელ კარბის შესასვლელთან მდებარე პოლიციის საგუშაგოსთან პერფორმანსი გამართეს.
სამოქალაქო მოძრაობის წევრებმა საავტომობილო გზაზე საქართველოს დროშა გაშალეს, მოწოდებით „რუსეთი ოკუპანტია“.
სამართალდამცავებმა შეკრებილებს მოუწოდეს, რომ გზის სავალი ნაწილის ნახევარი გაეთავისუფლებინათ, რათა თავიდან აეცილებინათ ტრანსპორტის მოძრაობის შეფერხება. ამის პასუხად აქციის მონაწილეებმა ავტომანქანების ნაწილი „დროშის ქვეშ“ გაატარეს, ნაწილს კი - გზა დაუთმეს და გადაადგილების საშუალება მისცეს.
აქციის მონაწილეებს საოკუპაციო ხაზის მიმართულებით სურდათ გადაადგილება, თუმცა პოლიციელებმა მათ ამის საშუალება არ მისცეს.