რუსეთის საელჩო - აშშ და ბრიტანეთი სპარსეთის ყურეში დაძაბულობის ესკალაციას იწვევენ

აშშ-სა და ბრიტანეთის მიერ ირანზე ზეწოლის ზრდა სპარსეთის ყურეში დაძაბულობის ესკალაციას გამოიწვევს, - რუსული მედიის ინფორმაციით, ამის შესახებ დიდ ბრიტანეთში რუსეთის საელჩომ განაცხადა.

„დარწმუნებულები ვართ, რომ აშშ-სა და ბრიტანეთის მიერ ირანზე ზეწოლის ზრდა, კერძოდ კი ე.წ. „მისია, რომლის მიზანი ნაოსნობის თავისუფლების გარანტირებაა“, მხოლოდ დაძაბულობის ესკალაციას შეუწყობს ხელს,“ - ნათქვამია საელჩოს განცხადებაში.

რუსეთის საელჩო დიდ ბრიტანეთში ასევე აცხადებს, რომ რეგიონში კრიზისის დაძლევა მხოლოდ „რეგიონული უსაფრთხოების ინკლუზიური სისტემის შექმნითაა შესაძლებელი.“

„ამ თვალსაზრისით ოპტიმალური მექანიზმი გახლავთ სპარსეთის ყურეში ჩვენს მიერ 2004 წელს შემუშავებული კოლექტიური უსაფრთხოების კონცეფციის თანამედროვე ტენდენციების მიხედვით განახლება. დოკუმენტი ითვალისწინებს ეტაპობრივ პროგრესს რეგიონული ძალების და სხვა დაინტერესებული მხარეების თანასწორუფლებიან თანამშრომლობაზე იქნება დაფუძნებული“, - ნათქვამია განცხადებაში.

რუსი დიპლომატების განცხადებით, მათ ბრიტანეთის მხარეს კონცეფციის შესახებ ინფორმაცია მიაწოდეს და განაცხადეს, რომ რუსეთი მზადაა ეს საკითხი ყველა დაინტერესებულ მხარესთან განიხილოს.

შეგახსენებთ, რომ სიტუაცია სპარსეთის ყურეში 13 ივნისს გამწვავდა, როდესაც ომანის ყურეში ორ ტანკერზე აფეთქება მოხდა. ვაშინგტონმა ამაში ირანი დაადანაშაულა, მას მხარი გაერთიანებულმა სამეფომ და საუდის არაბეთმა დაუჭირა, თეირანმა კი ბრალდებები უარყო.

ივნისის ბოლოს აშშ სახელმწიფო დეპარტამენტმა განაცხადა, რომ ის სპარსეთის ყურეში ნაოსნობის თავისუფლების უზრუნველსაყოფად კოალიციის შექმნას აპირებდა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში