სოფელ გუგუტიანთკარში ევროკავშირის სადამკვირვებლო მისიის მონიტორები იმყოფებიან. ისინი რაზმაძეების ოჯახის წევრებს, რომელთა სახლი საოკუპაციო ხაზს მიღმა მოხვდა, გაესაუბრნენ და ადგილზე შექმნილ ვითარებას კიდევ ერთხელ გაეცნენ.

ამ დროისთვის რაზმაძეების ოჯახმა საოკუპაციო ხაზის მიღმა მოქცეული სახლიდან ლითონის ღობისა და მოაჯირების ბოლო ფრაგმენტებიც გამოიტანა.

სამი დღის განმავლობაში რაზმაძეებს სახლის დაშლაში მეზობლებიც ეხმარებოდნენ.

საოკუპაციო ძალების წარმომადგენლები გამყოფი ხაზის პერიმეტრზე ამ დრომდე არ გამოჩენილან.