უჩა ნანუაშვილი - გუგუტიანთკარში 2008 წელს დაწყებული ომი დღესაც გრძელდება - სამწუხაროა, რომ ბევრი არაფერი შეგვიძლია და რეალურად, ამ პროცესს ვერავინ აჩერებს

გუგუტიანთკარში 2008 წელს დაწყებული ომი დღესაც გრძელდება - სამწუხაროა, რომ ბევრი არაფერი შეგვიძლია და რეალურად, ამ პროცესს ვერავინ აჩერებს, - ამის შესახებ ყოფილმა სახალხო დამცველმა, უჩა ნანუაშვილმა „ინტერპრესნიუსს“ განუცხადა.

მან გუგუტიანთკარში, საოკუპაციო ხაზთან აღნიშნა, რომ შექმნილი ვითარების გამო მნიშვნელოვანია, ხელისუფლება მეტად იყოს აქტიური, რომ მოსახლეობამ მხარდაჭერა იგრძნოს.

„ფაქტობრივად, გუგუტიანთკარში 2008 წელს დაწყებული ომი დღესაც გრძელდება. შეიძლება ითქვას, რომ გასროლის გარეშე, მაგრამ მოსახლეობა კარგავს საკუთარ ტერიტორიებს, საკუთარ სახლს და ისინი იბრძვიან, რათა გადაარჩინონ თითოეული გოჯი მიწა, მათი საკუთრება. ეს ძალიან სამწუხარო და დიდი ტრაგედიაა, რასაც ვუყურებთ. სამწუხაროა ის, რომ ბევრი არაფერი შეგვიძლია და რეალურად ამ პროცესს ვერავინ აჩერებს. მაგრამ მნიშვნელოვანია, რომ ხელისუფლება იყოს მეტად აქტიური, მათ შორის უმაღლესი თანამდებობის პირების ჩართვაა მნიშვნელოვანი ამ პროცესში, რადგან მოსახლეობამ თუნდაც იგრძნოს, რომ მორალურად მათ გვერდით არის ბევრი, მათ შორის ხელისუფალნი და საზოგადოება. მათ არ ჰქონდეთ იმედგაცრუების შეგრძნება, რაც მათ სამწუხაროდ, დღეს აქვთ“, - აღნიშნა ნანუაშვილმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს