დავით ზალკალიანი - მავთულხლართების გაბმასთან დაკავშირებული ქმედებები დაგმობილია მთელი საერთაშორისო ცივილიზებული თანამეგობრობის მიერ

„საქართველოს ძალიან მყარი მხარდაჭერა აქვს და მავთულხლართების გაბმასთან დაკავშირებული ქმედებები დაგმობილია მთელი საერთაშორისო ცივილიზებული თანამეგობრობის მიერ,“ - ამის შესახებ საგარეო საქმეთა მინისტრმა დავით ზალკალიანმა ჟურნალისტებს სოფელ გუგუტიანთკარში განუცხადა, სადაც იგი ადგილობრივ მოსახლეობას შეხვდა. მისი განცხადებით, მიუხედავად იმისა, რომ პროცესი 2 დღეა შეჩერდა, ეს მოდუნების საშუალებას არ იძლევა.

„ჩემთვის ძალიან მნიშვნელოვანი იყო ადგილზე ინფორმაციის გაცნობა. სიტუაცია მართლაც ძალიან დამთრგუნველია იქიდან გამომდინარე, რომ საქართველოს ტერიტორიების ოკუპაცია გრძელდება. ფაქტორბივი ანექსიისკენ მიმართული ქმედებებია ეს, რომელსაც ჩვენი მხრიდან მყისიერი რეაგირება მოჰყვა.

საქართველოს ძალიან მყარი მხარდაჭერა აქვს და მავთულხლართების გაბმასთან დაკავშირებული ქმედებები დაგმობილია მთელი საერთაშორისო ცივილიზებული თანამეგობრობის მიერ. იცით, რომ ეს პროცესი 2 დღეა რაც შეჩერდა, მაგრამ ეს არავითარ შემთხვევაში არ გვაძლევს დამშვიდების გარანტიას. პირიქით, 24 საათიან რეჟიმზეა გადასული საგარეო საქმეთა სამინისტრო. ყველა დიპლომატიური მისია ინსტრუქტირებულია, რომ მუდმივ რეჟიმში ინფორმირებული იყვნენ ჩვენი საერთაშორისო პარტნიორები აქ მიმდინარე მოვლენებთან დაკავშირებით. საგარეო საქმეთა სამინისტრომ ყველაფერი გააკეთა, რაც კი რესურსი და საერთაშორისო მექანიზმი არსებობდა. მერწმუნეთ, რომ აგვისტოში იოლი არ არის გაეროს უშიშროების საბჭოს დებატების მოწვევა და ჩვენ ეს შევძელით. ძალიან მკაცრი და დამგმობი განცხადებები მოვისმინეთ ჩვენი პარტნიორების მხრიდან. მომავალშიც აუცილებლად გავაგრძელებთ მათ ინფორმირებას,“ - განაცხადა დავით ზალკალიანმა.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ