შიდა ქართლის გუბერნატორის მოადგილის ინფორმაციით, ახალუბნიდან რამდენიმე პირის გაუჩინარებასთან დაკავშირებით, ამოქმედებულია ევროკავშირის სადამკვირვებლო მისიის ცხელი ხაზი

შიდა ქართლის გუბერნატორის მოადგილის ინფორმაციით, ახალუბნიდან რამდენიმე ადამიანის გაუჩინარებასთან დაკავშირებით, ამოქმედებულია ევროკავშირის სადამკვირვებლო მისიის ცხელი ხაზი.

ვრცელდება ინფორმაცია 7 დაკავებულის შესახებ, თუმცა შიდა ქართლის გუბერნატორის მოადგილის, ამირან ქრისტესიაშვილის განცხადებით, მათ ხელთ არსებული ინფორმაციით, 6 მამაკაცის ადგილსამყოფელია უცნობი.

„ყველა მათგანი ახალუბნის მცხოვრებელია. ვიცით, რომ იმყოფებოდნენ სასაფლაოზე და ეკლესიაში მოლოცვას აპირებდნენ. მას შემდეგ ვერც ერთ მათგანთან კონტაქტის დამყარება ვერ ხერხდება. ამ დროისთვის ამოქმედებულია ევროკავშირის სადამკვირვებლო მისიის ცხელი ხაზი, საქმის კურსშია ყველა სახელმწიფო უწყება“, - განუცხადა „ინტერპრესნიუსს“ შიდა ქართლის გუბერნატორის მოადგილემ.

თანასოფლელები აცხადებენ, რომ ისინი სასაფლაოზე იმყოფებოდნენ, საიდანაც მიმდებარედ არსებულ სალოცავში აპირებდნენ ასვლას. მათივე განცხადებით, აღნიშნული ეკლესია საოკუპაციო ხაზის პერიმეტრზე მდებარეობს, სადაც ხშირად გადაადგილდებიან შეიარაღებული ფორმიანები, ე.წ. მესაზღვრეები.

როგორც "ინტერპრესნიუსს" სახელმწიფო უსაფრთხოების სამსახურში განუცხადეს, ინფორმაციის დაზუსტება მიმდინარეობს.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში