ხატია დეკანოიძე - რეალურად, საქართველოს არ ჰყავს დღეს ხელისუფლება, რომელიც დაიცავს სახელმწიფო ინტერესებს და თითოეული ადამიანის უსაფრთხოებას

რეალურად, საქართველოს სახელმწიფოს არ ჰყავს დღეს ხელისუფლება, რომელიც დაიცავს სახელმწიფო ინტერესებს და თითოეული ადამიანის უსაფრთხოებას ჩვენი ქვეყნის ტერიტორიაზე, - ამის შესახებ "ნაციონალური მოძრაობის" წევრმა ხატია დეკანოიძემ სოფელ გუგუტიანთკარში ჟურნალისტებს განუცხადა.

როგორც დეკანოიძემ აღნიშნა, გუგუტიანთკარში მოსახლეობას ძალიან უიმედო განწყობა აქვს, რადგან ისინი არ გრძნობენ სათანადო ყურადღებას.

"როგორც ყველა ვხედავთ, ეს გამორჩეული ადგილია იმდენად, რამდენადაც საოკუპაციო ხაზთან ძალიან ახლოს არის და ვხედავთ, როგორ მოძრაობენ სულ რამდენიმე მეტრში მუდმივად ოკუპანტები და მათი მხარდაჭერილი სეპარატისტი ჯარისკაცები. რეალურად, გარდა იმისა, რომ სახელმწიფოებრივი ტრაგედიაა, არის ადამიანების ტრაგედია. ჩვენ ვნახეთ, რომ ამ ადამიანებს ძალიან უჭირთ. არ აქვთ სოციალური დახმარება, უჭირთ ეკონომიკურად, უჭირთ ყოველდღიური სარჩოს მოპოვება და ამ ფონზე, როდესაც ადამიანებს იტაცებენ, როდესაც რამდენიმე წუთის წინ სოფელ არცევიდან გაიტაცეს ადამიანი, ამ ფონზე რეალურად ხელისუფლების უმაღლესი წარმომადგენლები არც ამოსულან აქ და არანაირი განცხადება არ გაუკეთებიათ. უფრო მეტიც, ისინი შვებულებაში იმყოფებიან. მთელი ამ წლების მანძილზე მიმდინარეობდა და განსაკუთრებით, ეს პროპაგანდა ბოლო კვირეების მაძილზე გაძლიერდა - ვიწროპარტიული ინტერესებით დაბრმავებული ხელისუფლება ამაყად იმეორებს, რომ საქართველომ დაიყო ომი. ეს არის ძალიან საშიში პრეცენდენტი! ასევე, საერთაშოროსო სამართლის ნორმის საშიში ინტერპრეტაცია, რომელიც არა მხოლოდ საქართველოს ეროვნულ ინტერესებს, არამედ ვნებს ასევე ჩვენი მეზობელი, სტრატეგიული პარტნიორის, უკრაინის ინტერესებსაც. ამიტომ, რეალურად, ხელისუფლება დღეს საქართველოს სახელმწიფოს არ ჰყავს, ხელისუფლება, რომელიც დაიცავს სახელმწიფო ინტერესებს და თითოეული ადამიანის უსაფრთხოებას ჩვენი ქვეყნის ტერიტორიაზე",- განაცხადა დეკანოიძემ.

როგორც დეკანოიძემ აღნიშნა, თავისუფალი სამყარო ვერაფერს გააწყობს, თუ ქვეყნის ხელისუფლებამ განგაში არ ატეხა.

"ჩვენ მუდმივად ვესაუბრებით საერთაშოროსო პარტნიორებს, მათთან მუდმივად გვაქვს დიალოგი, ვცდილობთ, თავისუფალ სამყაროს გავაგონოთ ჩვენი ხმა, მაგრამ რეალურად თავისუფალი სამყარო ვერ დაგვეხმარება, თუ არ იქნება მკვეთრი განცხადებები საქართველოს ხელისუფლების მხრიდან. თავისუფალი სამყარო ვერაფერს გააწყობს, თუ ქვეყნის ხელისუფლებამ არ ატეხა განგაში",- განაცხადა დეკანოიძემ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა