ცხინვალის იზოლატორში სულ საქართველოს 8 მოქალაქე იმყოფება, რომლებიც საოკუპაციო ძალებმა სოფელ ახალუბანთან დააკავეს. ცხინვალის დე ფაქტო ხელისუფლების ინფორმაციით, ისინი ე.წ. საზღვრის უკანონო გადაკვეთის ბრალდებით დააკავეს.

ამ დროისთვის უცნობია, თუ როდის გადაიყვანენ დაკავებულებს ე.წ. სასამართლოზე, რომელიც შესაბამის ზომებზე იმსჯელებს. გამომდინარე იქიდან, რომ დღეს კვირაა, შესაძლოა, ე.წ. სასამართლო ხვალ გაიმართოს.

საქართველოს ხელისუფლება აცხადებს, რომ ქართული მხარე ყველაფერს აკეთებს, რათა დაკავებულები დროულად გათავისუფლდნენ.

იხილეთ ვიდეო: საოკუპაციო ძალების მიერ გატაცებული საქართველოს 8 მოქალაქე ცხინვალის იზოლატორში იმყოფება