სალომე ზურაბიშვილის ინიციატივით შექმნილ ფონდში ამ დროისთვის მხოლოდ პრეზიდენტის მიერ გადარიცხული ხელფასის ნაწილია აკუმულირებული

საქართველოს პრეზიდენტის, სალომე ზურაბიშვილის ინიციატივით შექმნილ საქველმოქმედო ფონდში ამ დროისთვის 35 880 ლარია აკუმულირებული. ამის შესახებ „ინტერპრესნიუსის“ მიერ ა(ა)იპ „სალომე ზურაბიშვილის ფონდიდან“ გამოთხოვილ ინფორმაციაშია აღნიშნული.

მათი ინფორმაციით, ფონდში პრეზიდენტის ხელფასის გარდა, სხვა ფიზიკური თუ იურიდიული პირის მიერ თანხების ჩარიცხვა ამ ეტაპზე არ მომხდარა.

აღსანიშნავია, რომ სალომე ზურაბიშვილი საკუთარი ინიციატივით შექმნილ ფონდში ხელფასის ნაწილს რიცხავს, რადგან მოქმედი კანონმდებლობით, საქართველოს პრეზიდენტის ხელფასი 6 900 ლარს შეადგენს.

ინფორმაციისთვის, დღეის მდგომარეობით ფონდის მიერ რაიმე პროექტის ან აქტივობის დაფინანსება არ მომხდარა.

შეგახსენებთ, რომ 2019 წლის იანვარში, მას შემდეგ, რაც პრეზიდენტის სარეზერვო ფონდი გაუქმდა, სალომე ზურაბიშვილი ახალი, საქველმოქმედო ფონდის შექმნის ინიციატივით გამოვიდა, რომელშიც, მისი თქმით, საკუთარ ხელფასს ყოველთვიურად გადარიცხავდა. როგორც მაშინ პრეზიდენტი აცხადებდა, თავად საფრანგეთის შეგროვებით პენსიას იღებდა და „სრულებით ეყოფოდა“.

„მე გადავწყვიტე, რომ მოვძებნოთ ფორმა და ჩემი ეგიდითა და საზოგადოებრივი პირების დახმარებით, კერძო საწყისზე შეიქმნას ფონდი, სადაც, პირველ რიგში, მე და იმედი მაქვს, რომ სხვებიც მომყვებიან, გადავრიცხავ ჩემს ხელფასს, რამეთუ, მე ვღებულობ უკვე საფრანგეთის შეგროვებით პენსიას, რაც მეყოფა სრულებით. ასე რომ, შემიძლია ჩემი პრეზიდენტის სარგო მოვახმარო იმ საქმეებს, რასაც გადავწყვიტავთ ერთად, რომ არის მნიშვნელოვანი", - განაცხადა სალომე ზურაბიშვილმა 2019 წლის იანვარში გამართულ პრესკონფერენციაზე.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით