შიდა ქართლის გუბერნატორის, გიორგი ხოჯევანიშვილის განცხადებით, საქართველოს ხელისუფლების მხრიდან ყველაფერი კეთდება იმისთვის, რომ საოკუპაციო ძალების მიერ უკანონოდ დაკავებული 8 პირი უმოკლეს დროში გათავისუფლდეს.
„ყველა შესაბამისი უწყება ჩართულია ამ პროცესში, აქტიურად ვთანამშრომლობთ ევროკავშირის სადამკვირვებლო მისიასთან. ამოქმედებულია „ცხელი ხაზი“. ჩვენს ხელთ არსებულ ყველა ბერკეტს ვიყენებთ იმისთვის, რომ გამყოფი ხაზის სიახლოვეს უკანონოდ დაკავებული ჩვენი მოქალაქეების გათავისუფლება უმოკლეს დროში მოხდეს“, - განაცხადა შიდა ქართლის გუბერნატორმა.
სოფელ ახალუბნის განაპირას დაკავებული რვა პირი კვლავ დე ფაქტო რეჟიმის კონტროლირებად ტერიტორიაზე, ცხინვალის მილიციის იზოლატორში რჩება. ჯერჯერობით დაზუსტებული არ არის, როდის გაათავისუფლებენ დაკავებულებს.