დავით უსუფაშვილი - როცა ტელევიზია ერთი პოლიტიკური დაჯგუფებიდან მეორე დაჯგუფების ხელში გადადის, ამით საზოგადოება  ვაი-ს გაეყრება და ვუი-ს შეეყრება ხოლმე

როდესაც ტელევიზია ერთი პოლიტიკურ-ფინანსური დაჯგუფებიდან მეორე დაჯგუფების ხელში გადადის, ამით საზოგადოება ვაი-ს გაეყრება და ვუი-ს შეეყრება ხოლმე. ეს ვაი-უშველებელი ტრიალებს “რუსთავი 2”-ის გარშემო მორიგ ჯერზე, - ასე აფასებს “შენების მოძრაობის” ლიდერი დავით უსუფაშვილი ტელეკომპანია „რუსთავი 2“-ის გარშემო მიმდინარე პროცესებს.

დავით უსუფაშვილი სახელმწიფო ბიუჯეტის მიმართ ტელეკომპანიების დავალიანებაზეც აკეთებს აქცენტს და ფინანსთა სამინისტროს ხელმძღვანელი პირების სამართლებრივ პასუხისმგებლობაზე საუბრობს.

“დანარჩენი, ვინ ვის როგორ კვანტს დაუდებს, როდის ვითომ იყიდის და ვითომ გაყიდის, დეტალებია და არ ღირს კომენტარად. ახლა ისაა მნიშვნელოვანი, რომ განვითარდნენ ვინმეს ჯიბეში არმყოფი და ვინმეს მკაცრ ცენზურას არდაქვემდებარებული თავისუფალი ტელევიზიები. ასეთები არსებობენ საქართველოში და ასეთის შექმნის პოტენციალი აქვს „რუსთავი 2“-ის მრავალ ჭირნახული ჟურნალისტების იმ ნაწილსაც, ვისაც საკუთარი თავისუფლება ისევე სწყურია, როგორც ამას ქვეყნისთვის ქადაგებენ.

რაც შეეხება ბოლო მოვლენებს, მე ის უფრო მაინტერესებს, ფინანსთა სამინისტროს რომელი ხელმძღვანელია პასუხგებაში მიცემული „იმედის“, „მაესტროს“, „რუსთავი 2“-ის მიერ ბიუჯეტისთვის არგადახდილი 60 მილიონი ლარისათვის და რა პოლიტიკური მოტივებით იყო მიღებული ასეთი გადაწყვეტილებები“, - აცხადებს უსუფაშვილი.

ცნობისთვის, „რუსთავი2“-ის 100 %-იანი წილის მფლობელმა, ქიბარ ხალვაშმა გუშინ განცხადება გაავრცელა და აღნიშნა, რომ რადგან ტელეკომპანიას მყიდველი არ გამოუჩნდა, მას აღარ გაყიდის და არსებული ფინანსური კრიზისის გამკლავებას საკუთარი ძალებით შეეცდება.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში