მამუკა მდინარაძე არასამთავრობოების განცხადებაზე - საარჩევნო ცვლილებებზე მუშაობა არც შეწყვეტილა - მოწოდება, რომ „ის უნდა გაგრძელდეს”, რელევანტური არ არის

„საარჩევნო ცვლილებებზე მუშაობა არც შეწყვეტილა. შესაბამისად მოწოდება, რომ „ის უნდა გაგრძელდეს”, რელევანტური არ არის,“ - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ განაცხადა, რითაც გამოეხმაურა არასამთავრობო ორგანიზაციების განცხადებას საარჩევნო კანონმდებლობის ცვლილებაზე. მდინარაძის თქმით, ეს გადაწყვეტილება რეალიზების პროცესშია და საარჩევნო ცვლილებებზე მუშაობა გრძელდება.

„საარჩევნო ცვლილებებზე მუშაობა არც შეწყვეტილა. შესაბამისად მოწოდება, რომ „ის უნდა გაგრძელდეს”, რელევანტური არ არის. ჩვენ მივიღეთ დემოკრატიული გადაწყვეტილება, შევცვალოთ საარჩევნო სისტემა და არჩევნები პროპორციული წესით, ბარიერის გარეშე ჩავატაროთ; უარი ვთქვით უპირატესობაზე, რომელსაც მაჟორიტარული მანდატები გვაძლევდა; ვცვლით პარტიების დაფინანსების წესს უფრო სამართლიანი და გამჭვირვალე მოდელით და ა. შ. და რა თქმა უნდა, ეს გადაწყვეტილება რეალიზების პროცესშია. მუშაობა გრძელდება - სექტემბერში ჩატარდება საჯარო განხილვები, შემდგომ საკომიტეტო მოსმენები და არაერთი სამუშაო შეხვედრა გვექნება. ამის შემდეგ კი ცვლილებებს პლენარულ სხდომაზე გავიტანთ,” - განაცხადა მამუკა მდინარაძემ.

არასამთავრობო ორგანიზაციების განცხადებით, საარჩევნო კანონმდებლობის ცვლილებებზე მუშაობა უნდა გაგრძელდეს.

„მიგვაჩნია, რომ მნიშვნელოვანია გაგრძელდეს საარჩევნო კანონმდებლობის ცვლილებებზე მუშაობა, რათა საკანონმდებლო ორგანოში ინიცირებამდე, კანონპროექტი პასუხობდეს არსებულ გამოწვევებს და უზრუნველყოფდეს არჩევნების თანასწორ და კონკურენტულ გარემოში ჩატარებას. ჩვენი მხრივ მზადყოფნას გამოვთქვამთ მონაწილეობა გავაგრძელოთ შემდეგ განხილვებში,”-აღნიშნულია არასამთავრობო ორგანიზაციების განცხადებაში.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში