საოკუპაციო ძალების წარმომადგენლებმა გუგუტიანთკართან დღეისთვის ე.წ. სასაზღვრო-საინჟინრო სამუშაოები დაასრულეს.
საოკუპაციო ხაზთან რამდენიმე საათის განმავლობაში მყოფი სატვირთო ავტომაქანით აღნიშნული სამუშაოებისთვის საჭირო ტექნიკა ოკუპირებული ტერიტორიის მიმართულებით წაიღეს. ადგილზე რჩებიან ევროკავშირის სადამკვირვებლო მისიის მონიტორები, რომლებიც არსებულ ვითარებას ადგილზე აკვირდებიან.
დღის განმავლობაში მიმდინარე სამუშაოების შედეგად, საოკუპაციო ძალების წარმომადგენლებმა სოფელ გუგუტიანთკარის პერიმეტრზე დამატებით 20-მდე ლითონის ბოძი დაამონტაჟეს.