გურამ ჩალაგაშვილი - დავით ქაცარავას „ქართულმა ოცნებამ“ მიუგზავნა „ტიტუშკები“

დავით ქაცარავას გალახვა და შეშინება ასეთი მარტივი საქმე არ არის, მაგრამ დასკვნა შეგვიძლია ის გავაკეთოთ, რომ ეს ხელისუფლება ყველანაირ ზღვარს გადავიდა, - ამის შესახებ პარტია „გამარჯვებული საქართველოს“ წევრმა, გურამ ჩალაგაშვილმა „ინტერპრენიუსს“ ანტისაოკუპაციო მოძრაობა „ძალა ერთობაშიას“ ლიდერ დავით ქაცარავაზე თავდასხმის ფაქტის კომენტირებისას განუცხადა.

გურამ ჩალაგაშვილის თქმით, დავით ქაცარავას „ქართულმა ოცნებამ“ მიუგზავნა „ტიტუშკები“, რომლებიც „შეეცადნენ მის გალახვას“.

„ხელისუფლება არ გვყავს, პრემიერ-მინისტრის იქ არ ჩადის, პრეზიდენტი კომენტარსაც არ აკეთებს და ადამიანები, რომლებიც წლების განმავლობაში ჩადიან იქ, იცავენ თავის ქვეყანას და თავისი ქვეყნის საზღვრებს როგორც შეუძლიათ ისე, დავით ქაცარავას დღეს „ქართულმა ოცნებამ“ მიუგზავნა „ტიტუშკები“ და შეეცადნენ მის გალახვას. დავით ქაცარავას გალახვა და შეშინება ასეთი მარტივი საქმე არ არის, მაგრამ დასკვნა შეგვიძლია ის გავაკეთოთ, რომ ეს ხელისუფლება ყველანაირ ზღვარს გადავიდა.

თუ ადამიანებმა გაფიცვაში მიიღეს მონაწილეობა და აზრის გამოხატვაში, მაშინვე იჭერენ, როგორც ამასწინათ გააკეთეს და 19 პოლიტპატიმარი ჰყავთ“, - განაცხადა ჩალაგაშვილმა.

ჩალაგაშვილი ხელისუფლებას და შინაგან საქმეთა სამინისტროს მიმართავს, დაადგინონ ვინ იყვნენ ის ადამიანები, ვინც თავს დაესხნენ დავით ქაცარავას და გაიგონ რატომ იდგა პოლიცია უმოქმედოდ მაშინ, რომდესაც აღნიშნული ფაქტი მოხდა.

„ერთადერთი იყო შინაგან საქმეთა სამინისტროს პრესსამსახური, ვინც იცოდა მისი გადაადგილება, სად მიდიოდა, რომ უნდა მიეტანა წამლები. მისმა მეგობრებმაც კი, ვინც მასთან ერთად აპროტესტებდა ამ მცოცავ ოკუპაციას და ბორდერიზაციას, მათაც კი არ იცოდნენ ეს ყველაფერი. როცა ერთი ადგილიდან მეორე ადგილზე გადაადგილდები და ეს იცის მხოლოდ შინაგან საქმეთა სამინისტრომ და იქ გხვდება 5 ადამიანი, რომლებიც იქ მანამდე არ ყოფილან, იმიტომ, რომ ვერავინ ვერ ცნობს და ჩადიან იმას, რაც ჩაიდინეს, ამაზე მე მგონია, ძალიან ბევრი გამოძიება არ არის საჭირო. მივმართავ ხელისუფლებას, თუკი არსებობენ ისინი და შინაგან საქმეთა სამინისტროს, სასწრაფოდ დააკავონ ის პოლიციელები, რომლებიც იქვე იდგნენ, ამ ყველაფერს უყურებდნენ და ისე იქცეოდნენ, ვითომ ვერ ხედავდნენ“, - განაცხადა ჩალაგაშვილმა.

შეგახსენებთ, შინაგან საქმეთა სამინისტრომ ანტისაოკუპაციო მოძრაობის - „ძალა ერთობაშიას“ ლიდერის, დავით ქაცარავას მისამართით განხორციელებულ თავდასხმის ფაქტზე გამოძიება სსკ-ის 126-ე მუხლით დაიწყო, რაც ძალადობას გულისხმობს.

ამასთან, როგორც „ინტერპრესნიუსს“ შსს-ში განუცხადეს, ამ დროისთვის კომპლექსური აქტიური საგამოძიებო მოქმედებები მიმდინარეობს.

როგორც დავით ქაცარავამ სოციალურ ქსელ „ფეისბუქის“ საკუთარ გვერდზე დაწერა, მას 4-5 კაციანი ჯგუფი დაუპირისპირდა. მისივე თქმით, შემთხვევის ადგილზე მყოფმა პოლიციამ თავდასხმა ვერ შეაჩერა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)