რუსულმა ვერტმფრენმა საქართველოს საჰაერო სივრცე დაარღვია. რუსულმა საფრენმა აპარატმა სოფელ გუგუტიანთკართან ახლოს, ოკუპირებულ ტერიტორიაზე გადაიფრინა.
რუსული ვერტმფრენის მიერ საქართველოს საჰაერო სივრცის დარღვევა „ინტერპრესნიუსს“ სახელმწიფო უსაფრთხოების სამსახურში დაუდასტურეს.
როგორც სუს-ში აცხადებენ, ფაქტთან დაკავშირებით გააქტიურებულია „ცხელი ხაზი“ და ინფორმირებულია ევროკავშირის სადამკვირვებლო მისია.
„ეს არის მორიგი პროვოკაციული ქმედება, რომელიც უკიდურესად აზიანებს ადგილზე არსებულ უსაფრთხოების გარემოს,“ - განაცხადეს სახელმწიფო უსაფრთხოების სამსახურში.