ვეკუა-ხიზანიშვილის ქუჩებზე წყალმომარაგების სისტემის მასშტაბური რეაბილიტაცია დასრულების ეტაპზეა. ამის შესახებ „ინტერპრესნიუსს“ GWP-დან აცნობეს. მათივე ინფრმაციით, კომპანია აღნიშნულ ქუჩებზე წყალსადენისა და წყალარინების 6.5 კმ-ზე მეტი სიგრძის ქსელი სრულად შეცვალა. პროექტის ჯამური ინვესტიცია 3 მლნ ლარზე მეტს შეადგენს.
22 აგვისტოს, გლდანის მე-8 მიკრორაიონში კომპანია განახლებულ ქსელზე ჩამკეტ-მარეგულირებელ ურდულებს დაამონტაჟებს. მოსახლეობისთვის ნაკლები დისკომფორტის შექმნის მიზნით, სამუშაოები ეტაპობრივად, ღამის საათებში ჩატარდება.
აღნიშნულთან დაკავშირებით 22 აგვისტოს, 21:00 საათიდან 23 აგვისტოს 09:00 საათამდე წყალმომარაგება შეეზღუდება:გლდანის VIII მიკრორაიონს. წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით მიაწოდებს.
დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge