ღრმად შეშფოთებული ვარ რუსეთის ქმედებებით საქართველოში, - ამის შესახებ „ევროპის სახალხო პარტიის“ პრეზიდენტი ჯოზეფ დოლი „ტვიტერზე“ წერს. მისივე თქმით, ბორდერიზაციის პროცესითა და ოკუპაციის გაგრძელებით რუსეთი 2008 წლის შეთანხმებას არღვევს.
„ბორდერიზაცია, ღობეების აღმართვა და ოკუპაციის გაგრძელება არ ასრულებს იმ ვალდებულებებს, რასაც 2008 წელს, ევროკავშირის სახელითა და პრეზიდენტ სარკოზის შუამავლობით მომზადებული ორ ქვეყანას შორის დადებული შეთანხმება ითვალისწინებს, რომლის მიზანი საქართველოს ტერიტორიული მთლიანობის დაცვა და რეგიონული სტაბილურობის შენარჩუნებაა“, - წერს ჯოზეფ დოლი.