ადვოკატი - ავთანდილ წერეთელი დარწმუნებულია, რომ ბრალდება დაუსაბუთებელი იქნება

"ჩემი დაცვის ქვეშ მყოფი და მეც დარწმუნებულები ვართ, რომ მის ქმედებაში რაიმე დანაშაულის ნიშნები არ არსებობს", - ამის შესახებ ავთანდილ წერეთლის ადვოკატმა, კახა წერეთელმა პროკურატურასთან განაცხადა, რომელიც პროკურატურაში მისი დაცვის ქვეშ მყოფის ბრალდების ჩასაბარებლად მივიდა.

მან აღნიშნა, რომ ავთანდილ წერეთელს არანაირ დანაშაულებრივ საქმიანობაში არ მიუღია მონაწილეობა.

"ავთანდილ წერეთლის პოზიცია არის ის, რომ მას არანაირი მონაწილეობა რაიმე დანაშაულებრივ საქმიანობაში არ მიუღია და ის დარწმუნებულია, რომ ბრალდება იქნება დაუსაბუთებელი. ადრეც იმყოფებოდა ავთანდილ წერეთელი გამოკითხვაზე და დაახლოებით ცნობილია ჩვენთვის ის გარემოებები, რაზეც მიმდინარეობს გამოძიება და ამიტომ, ჩემი დაცვის ქვეშ მყოფი და მეც დარწმუნებულები ვართ, რომ მის ქმედებაში რაიმე დანაშაულის ნიშნები არ არსებობს", - აღნიშნა ადვოკატმა.

მანვე უპასუხა ჟურნალისტის კითხვას მამუკა ხაზარაძის ნათქვამის შესახებ, რომ იმ დროისთვის, რომლის შესახებაც მიმდინარეობს საქმე, წერეთელი არ იყო არც მეწილე და არც მფლობელი.

„არანაირი საფუძველი არ მაქვს ამ სიტყვებში ეჭვის შეტანის. ნამდვილად არ ვიცი, იმ პერიოდში როგორ იყო გადანაწილებული წილები, თუმცა საუბარია 10-11 წლის წინ კონკრეტულ ტრანზაქციებზე და ავთანდილ წერეთელი ყველა შეკითხვაზე გასცემს პასუხს. ის უბრალოდ დღეს არ იმყოფება საქართველოში, მისთვის მოულოდნელი იყო, რომ დღეს ეს ღონისძიება იგეგმებოდა, შესაბამისად, ჩამოსვლისთანვე ის ნებისმიერ გამოძახებაზე გამოცხადდება და გასცემს ყველა შეკითხვას პასუხს",- განაცხადა კახა წერეთელმა.

მისივე თქმით, საქმის მასალებთან დაკავშირებით მას შემდეგ შეეძლება საუბარი, რაც მასალებს ჩაიბარებს. ადვოკატმა უარყოფიფად უპასუხა კითხვას, არის თუ არა ავთანდილ წერეთლის დაკავების მოლოდინი.

შეგახსენებთ, გენერალურმა პროკურატურამ ბიზნესმენ ავთანდილ წერეთელს, "თიბისი ბანკის" დამფუძნებლების - მამუკა ხაზარაძისა და ბადრი ჯაფარიძის წინააღმდეგ აღძრული სისხლის სამართლის საქმის ფარგლებში ბრალი წარუდგინა. პროკურატურის განმარტებით, საქმე ეხება „თიბისი ბანკის“ ხელმძღვანელების მიერ "უკანონო შემოსავლების ლეგალიზებაში დახმარებას, რასაც თან ახლდა განსაკუთრებით დიდი ოდენობით შემოსავლის მიღება".

იხილეთ ვიდეო:

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს