ოკუპირებული აფხაზეთის ტერიტორიაზე ე.წ. საპრეზიდენტო არჩევნები გაიმართა. რუსული მედიის ინფორმაციით, 20:00 საათისთვის ყველა „საარჩევნო უბანი“ დაიხურა.
„სპუტნიკ-აბხაზიას“ ინფორმაციით, 18:00 საათის მონაცემებით, „საპრეზიდენტო არჩევნებზე“ ხმა მოსახლეობის 48.48 %-მა მისცა. დე ფაქტო ცესკოს მონაცემებით, საკუთარი არჩევანი დააფიქსირა 61 020-მა ამომრჩეველმა.
საარჩევნო ადმინისტრაციის ცნობით, აფხაზეთში სულ 125 875 ამომრჩეველია რეგისტრირებული.