ლატვია რუსეთის მიერ ოკუპირებულ აფხაზეთის რეგიონში ჩატარებულ ე.წ. არჩევნებს არ აღიარებს, - ამის შესახებ ლატვიის საგარეო საქმეთა მინისტრმა ედგარს რინკევიჩსმა ოკუპირებულ აფხაზეთში კვირას ჩატარებულ ე.წ. საპრეზიდენტო არჩევნებთან დაკავშირებით განაცხადა.

ლატვიის საგარეო საქმეთა მინისტრმა განცხადება „ტვიტერზე“ გაავრცელა და აღნიშნა, რომ ეს პროცესი საერთაშორისო კანონმდებლობას ეწინააღმდეგება.

„ლატვია არ აღიარებს ე.წ. საპრეზიდენტო არჩევნებს რუსეთის მიერ ოკუპირებულ აფხაზეთის რეგიონში. ეს პროცესი საერთაშორისო კანონმდებლობას ეწინააღმდეგება და არანაირი სამართლებრივი ეფექტი არ გააჩნია. კიდევ ერთხელ ვადასტურებ სრულ და მუდმივ მხარდაჭერას საქართველოს სუვერენიტეტისა და ტერიტორიული მთლიანობის მიმართ,“ - წერს რინკევიჩსი.