ევროსაბჭოს საპარლამენტო ასამბლეაში საქართველოს მონიტორინგის ჯგუფის თანამომხსენებლები აფხაზეთში ჩატარებულ „არჩევნებს“ არაკანონიერად მიიჩნევენ

ევროსაბჭოს საპარლამენტო ასამბლეაში საქართველოს მონიტორინგის ჯგუფის თანამომხსენებლები - ტიტუს კორლატეანი (რუმინეთი) და კლოდ კერნი (საფრანგეთი) აფხაზეთში გამართულ ე.წ. „საპრეზიდენტო არჩევნებთან“ დაკავშირებით განცხადებას ავრცელებენ.

მათი შეფასებით, „არჩევნები“ არალეგიტიმური და არაკანონიერია.

”ვადასტურებთ ჩვენს მხარდაჭერას საქართველოს ტერიტორიული მთლიანობისა და სუვერენიტეტის მიმართ მის საერთაშორისოდ აღიარებულ საზღვრებში. ამიტომ, 2019 წლის 25 აგვისტოს საქართველოს აფხაზეთის რეგიონში ჩატარებული ე.წ. ”საპრეზიდენტო არჩევნები” არალეგიტიმური და არაკანონიერია. როგორც ადრე ვთქვით, ე.წ. არჩევნები აფერხებს კონფლიქტის მშვიდობიან მოგვარებას და ხალხის გაერთიანების ნაცვლად, მხოლოდ მათ კიდევ უფრო დაშორებას უწყობს ხელს. ჩვენ მხოლოდ და მხოლოდ ვგმობთ მათ,“ - ნათქვამია ევროსაბჭოს საპარლამენტო ასამბლეაში საქართველოს მონიტორინგის ჯგუფის თანამომხსენებლების განცხადებაში.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება