გია ვოლსკი - მამუკა ხაზარაძე პოლიტიკას ტყუილით იწყებს

მამუკა ხაზარაძე და მისი გუნდელები ცდილობენ ისე წარმოაჩინონ სიტუაცია, ვითომ პოლიტიკაში შემოსვლას ლამობენ, პოპულარულები არიან და ერთი სული აქვს სახელმწიფოს გზები მოუჭრას პოლიტიკაში შემოსასვლელად, რაც არ შეესაბამება სინამდვილეს, - ამის შესახებ პარლამენტის თავმჯდომარის მოადგილე გია ვოლსკიმ განაცხადა.

მისი თქმით, ძალიან დიდი თანხის ძალიან საეჭვო ტრანზაქცია განხორციელდა, „ადამიანებმა სესხად გასცეს 17 მილიონამდე დოლარი ისე, რომ არ მოუთხოვიათ ამ თანხის უზრუნველყოფა“.

„წარმოიდგინეთ, რომ ეს სესხი დაბრუნდა მათ პირად ანგარიშებზე არაოფიციალურად, შემდეგ შეიქმნა ოფშორული კომპანია, სადაც ეს თანხა ისევ ჩაირიცხა. ასეთ საკითხებში მხილებული ადამიანი ამბობს, რომ მას უნდა პოლიტიკაში შემოსვლა და ეს იმიტომ ხდება. ეს ყველაფერი ერთმანეთთან კავშირში არის, მაგრამ კავშირი არის აბსოლუტურად ღია და აშკარა ყველასთვის, რომ პოლიტიკით თუ საზოგადოებრივი მოძრაობის დაფუძნებით ადამიანი ცდილობს თავი დაიცვას“, - განაცხადა ვოლსკიმ.

გარდა ამისა, ვოლსკის თქმით, არის ადამიანი, რომელიც პოლიტიკას იწყებს და იწყებს ტყუილით, „თუნდაც კონსორციუმთან, თუნდაც ანაკლიის პორტთან დაკავშირებით“.

„სახელმწიფოს არაერთი კითხვა აქვს კონსორციუმის საქმიანობაზე. შესთავაზეს კიდეც, რომ ინფრასტრუქტურის სამინისტროს კითხვებს ღია ეთერში გასცეს პასუხი. დასვამს ცქიტიშვილის უწყება ამ შეკითხვებს და გასცეს პასუხი თუ შეუძლია. ახლა ამას პასუხს ვერ სცემს, ჩვიდმეტი მილიონის აორთქლებაზე პასუხს ვერ სცემს და ამ მონაცემებით პოლიტიკაში შემოსვლა არ მგონია, წარმატების წინაპირობა იყოს”, - განაცხადა ვოლსკიმ.

რაც შეეხება ბრიტანეთთან დაკავშირებით გაკეთებულ განცხადებას, ვოლსკის თქმით, არსებობს საერთაშორისო კონვენცია და ქვეყნები ვალდებულები არიან ერთმანეთს მიაწოდონ ინფორმაცია.

„ბრიტანეთის მხარემ ჩვენ მხარეს გადმოსცა ინფორმაცია ტრანზაქციის შესახებ. როცა ასეთი ტრანზაქციები ხდება, ეგეთივე ინფორმაციის გადაცემა რომ მოხდეს, საქართველოში ჩვენ ვალდებულები ვართ გადავცეთ შესაბამის ქვეყანას. დიდი ბრიტანეთი ვალდებულია, რომ ეს ინფორმაცია გადმოსცეს საქართველოს. ჩვენ რომ მას შევუშალოთ მუშაობა, პოლიტიკაში შემოსვლა სწორედ ეს არის, ის რაც თავიდანვე ახასიათებს პოლიტიკურ ორგანიზაციას, თუკი ასეთი მართლა შეიქმნება”, - განაცხადა გია ვოლსკიმ.

აღნიშნულ კომენტარს პარლამენტი ავრცელებს.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 27.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი