სალომე ზურაბიშვილი - „ბრექსითი“ ძალიან დიდი გამოწვევაა, მაგრამ დარწმუნებული ვარ, ის ჩვენთვის ახალ კარს გახსნის

ქართველები თავს ევროპელებად თვლიან. ეს არ არის ის, რისკენაც ისინი მიისწრაფიან, ისინი ევროპელები არიან, - ამის შესახებ საქართველოს პრეზიდენტმა სალომე ზურაბიშვილმა „ევრონიუსისთვის“ მიცემულ ინტერვიუში განაცხადა.

პრეზიდენტის თქმით, საქართველო მზადაა იმისათვის, რომ ევროკავშირის წევრი გახდეს.

„ისინი ევროპის მიმართ ძალიან ოპტიმისტურად განწყობილები არიან და მიიჩნევენ, რომ ევროპისკენ ლტოლვას ალტერნატივა არ აქვს“, - განაცხადა პრეზიდენტმა.

მისივე თქმით, „ბრექსითი“ სხვა ქვეყნებისთვის, შესაძლოა, შესაძლებლობად იქცეს.

„ვფიქრობ, „ბრექსითი“ ძალიან დიდი გამოწვევაა, მაგრამ დარწმუნებული ვარ, ის ევროპას რეფორმირებისთვის ახალ შესაძლებლობამდე და ვალდებულებამდე მიიყვანს. დარწმუნებული ვარ, ის ჩვენთვის ახალ კარს გახსნის“, - განაცხადა პრეზიდენტმა.

მისივე თქმით, უნდა გავაგრძელოთ სვლა ევროპისკენ. "უნდა ვიცოდეთ, ევროპის ახალ კონტექსტში ფეხი ზუსტად სად დავდგათ. ჩვენ ეს ძალიან კარგად უნდა ვიცოდეთ და უნდა ვიყოთ ძალიან რეალისტურები და ამავდროულად, ძალიან ამბიციურები", - განაცხადა ზურაბიშვილმა.

ამასთან, იმავე ინტერვიუში სალომე ზურაბიშვილმა აფხაზეთში ჩატარებული „საპრეზიდენტო არჩევნები“ დაგმო.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)