კომუნიკაციების კომისიას ნიკა გვარამიას მიერ დაფუძნებული ახალი ტელევიზიის - „მთავარი არხის“ ავტორიზაციასთან დაკავშირებით გადაწყვეტილება ამ ეტაპზე არ მიუღია. დაგეგმილია, რომ „მთავარი არხი“ ეთერში „კომედი არხის“ ავტორიზაციით გავიდეს, რასთან დაკავშირებითაც კომუნიკაციების ეროვნულმა კომისიამ ავტორიზაციის მოდიფიცირება უნდა მოახდინოს, ვინაიდან „კომედი არხს“ ამ დრომდე მხოლოდ სპეციალიზებული ავტორიზაცია აქვს.

როგორც „ინტერპრესნიუსს“ კომისიაში განუცხადეს, სხდომა, რომელზეც ლიცენზიის მოდიფიცირებაზე იმსჯელებენ, სავარაუდოდ, 5 სექტემბერს გაიმართება.

ამასთან, აღსანიშნავია, რომ კომუნიკაციების ეროვნულმა კომისიამ „კომედი არხის“ შესახებ ინფორმაციის ცვლილება უწყებრივ რეესტრში უკვე ასახა.

„მთავარმა არხმა“ კომისიაში შემოიტანა კომედი არხის ავტორიზაციის მოდიფიცირებაზე განაცხადი უკვე შეიტანა. „კომედი არხის ავტორიზაციის მოდიფიცირების საკითხი დღევანდელ სხდომის დღის წესრიგში ჩასმული არ არის. სავარაუდოდ, შემდეგი ხუთშაბათის სხდომაზე გავა ეს საკითხი. მოდიფიცირებას არ სჭირდება დამატებითი პროცედურები და დოკუმენტების წარდგენა. „კომედი არხს“ ჰქონდა მაუწყებლობის სპეციალიზებული ავტორიზაცია, რომლის საერთო მაუწყებლობის ავტორიზაციასაც ითხოვენ“,- აცხადებენ კომუნიკაციების ეროვნულ კომისიაში.