უკრაინამ და რუსეთმა პატიმრები გაცვალეს, - ამის შესახებ ინფორმაციას სააგენტო „როიტერსი“ უკრაინის გენერალურ პროკურატურაზე დაყრდნობით ავრცელებს.
მათივე ინფორმაციით, იმ პატიმრებს შორის, რომლებიც უკრაინაში ბრუნდებიან, მეზღვაურები და რეჟისორი ოლეგ სენცოვიც არიან.
აღნიშნულზე ოფიციალური კომენტარი ჯერჯერობით არც გენერალური პროკურორის და არც პრეზიდენტის პრესსპიკერებს გაუკეთებიათ.
უკრაიანასა და რუსეთს შორის კონფლიქტმა დონბასის რეგიონში 2014 წლიდან დღემდე 13,000 ადამიანის სიცოცხლე შეიწირა. რუსეთში ათეულობით უკრაინელი ტყვეა დაპატირებული, მათ შორის 24 მეზღვაური, რომლებიც რუსეთმა შარშან დააკავა.